Денис Тен-мәңгі өшпес тұлға

Қалам тартпай кетіп едім көп болды,
Ұйқастарым келмей жатса сөкпе енді.
Қазағымның арыстай бір алыбы
Маңдайына сыймай кетті,жүрегі.

Мен мұндай да қалай үнсіз қалармын,
Жаурағандай бүгін менің жанарым....
Жүрегімді үнсіз үрей биледі
Сағым сынып,журек жылап танады.

Байлық дейтін дүниенің араны,
Жалмады ау құздай биік дараны.
Бір пышақтан ажал келіп дəл бүгін,
Кім ойлады өтеді деп заманы....

Бұл дүние сыйғызбады өзіңді,
Жастай кеттің,жылаттың ау жұртыңды
Қан жауыздар арам түрлі пиғылмен,
Ұрлап кетті ау нар тұлғалы ұлыңды.

Мен өзіңді жақсы танып білмесем де,
Мейірімді,нұр жүзіңді көрмесемде
Жан жүрегім қатты жылап,ауырады..
Лаулап тұрған жастық шақтың сөнгені ме?

Қазағымның көгіндегі жұлдызы ең!
Қыраны ең көкте биік самғаған!
Биіктегі сол жұлдызды дəл бүгін,
Қара жерге көмерміз деп кім ойлаған..

Қазақ үшін əкелген əр жеңісің
Қазақ үшін қорғаған өр намысың
Жан жүрегің Қазақ деген дүрсілмен
Көк байрақты құлатпадың төрінен

Дəл сол үшін сені мақтан етеміз
Чемпион боп қаларсың сен біз үшін
Уайымдама болашақта сен əлі,
Тарих болып,талай ғасыр қаласың.

Біз ешқашан ұмытпаймыз өзіңді,
Құрметтейміз өзің салған ізіңді.
Дара туған,дана талант иесі,
Үлгі болар өр тұлғалы өмірі.

Журектерден ойып орын алғансың,
Қазағымның көгіндегі жұлдызы.
Атың талай тарих болып жазылар,
Қыршын кеткен "Денис Тенім" Дарасың!

Жымиғанда жүзінен нұр төгілер
Қатал тағдыр аяр дейсің кім-кімді,
Сыймай кеттің мынандай тар заманға
Хайуандар тартар азап бір күні..

Қанша қиын болса дағы көнерміз,
Айырылу оңай емес бақыттан
Ақырында бар пенденің көрері,
Ажал екенін біле тұра,сенбейміз.

Енді Алладан тілер менің тілегім
Арғы өмірде жылатпаса дер едім
Бұл өмірден таппаған шын бақытты
Жəннəттің бақтарынан тіледім

---