Өмір деген емтихан

Сынақ өмір емтихан адам үшін,
Әр бір пенде лайықты табар ісін.
Ала жолдай ақ қара өмір деген,
Дағы қалар бассаңда табан ұшын.

Сүрінесің құлайсың жығыласың,
Құлай жүріп әйтеуір шынығасың.
Өмір деген қозғалыс қозғала бер,
Қабіріңде тек мәңгі тынығасың.

Сынайды Алла құлдарын сүйіктісін,
Алла сыны адамға биік түсін.
Беретінде бір Алла алатында,
Күйінбегін құр босқа күйіп ішің.

Тауың қайтып қалмасын тағдырыңнан,
Жоқшылық пен дүние тарлығыннан.
Бұйырмаған молшылық барлығына,
Таныта біл өзіңді бар қырыңнан.

Сыйласа бер адамның бәріменен,
Жақсы жаман кішісі кәріменен.
Сыйластыққой өмірдің мәні деген,
Көзге түсер гүл сынды сәніменен.

---