Өлең, жыр, ақындар

Желден де желгір ақбөкен

  • 16.03.2019
  • 0
  • 2
  • 9791
Желден де желгір ақбөкен
Озса да орғып көлденең,
Құралайына қарайлап,
Оққа ұшпай ма сол үшін?!
Ұялы бүркіт күн ұзын
Қалықтай самғар шөже үшін.
О да бір торға түспей ме
Шөжеге керек жем үшін?!
Дертке дауа іздеген,
Тірліктен үміт үзбеген
Сергелдең болар емі үшін.
Асыл туған арулар
Жанын пида етпей ме
Шын сүйіскен теңі үшін?!
Аттанған едім көп үшін
Көптің жинап мол күшін,
Дұшпанда кеткен сол көптің
Ежелден бергі кегі үшін.
Таршылық басқа түскенде,
Қапаланам мен - дағы
Қаумалаған қасымда
Қарындастың кемі үшін.
Арманы бар ма жігіттің –
Қапылыста тап берген
Тайталасса жауымен,
Туып, өскен жері үшін?!
Жал аулы найза қолға алып,
Қалық пандай қомданып,
Жау тоқтатып айқаста,
Құрбан болса елі үшін?!



Пікірлер (2)

Гуля

Әдемии

Гуля

Әдемии

Пікір қалдырыңыз

Жайықтың бойы көк шалғын

  • 0
  • 1

Жайықтың бойы көк шалғын,
Күзерміз де жайлармыз.
Күлісті сынды күреңді
Күдірейтіп күнде байлармыз.

Толық

Мен Нарыннан кеткенмін

  • 0
  • 2

Мен Нарыннан кеткенмін,
Нарынды талақ еткенмін.
Қуатымның барында
Ағыны қатты Жайықты

Толық

Ат - жігіттің майданы

  • 1
  • 11

Ат - жігіттің майданы,
Қылыш - жанның дәрмені,
Өлім - хақтың пәрмені.
Атақты ермен бірге өлсе,

Толық

Қарап көріңіз