Әбділдә Тәжібаев

Майданнан хат

Бұл бетте «Майданнан хат» атты Әбділдә Тәжібаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

23.03.2019
0
0
7213

Келді хатың қысқа жазған
Сағындырған жыл құсындай;
Көп махаббат алдым аздан,
Болсын хаттың бәрі осындай.
Әрбір сөзің сезсең, сәулем,
Жүрегіме құйды қуат,
Әр жігіттің сүйген жары
Жаза білсін осындай хат...
Жолдастарым аман тегіс,
Зор майданда жүрміз бірге.
Оқтан ұшқан үш жүз неміс
Жазулы тұр есебімде.
Күн ұзарды, жер көгерді
Даласында Украинаның,
Жас гүлдері қуат берді
Ортасында өскен қанның.
Гүлдер бізді бұлғап басын
Шақырады күнде ілгері:
Ант іштік біз тоқтамасқа
Тазарғанша гүлдер елі.
Көп жазуға уақытым тар,
Шабуылға кеттім, жарым.
Достардың да сәлемін ал,
Көріскенше қош бол, жаным!

1942

Әбділдә Тәжібаев майдан хат майданнан хат Әбділдә Тәжібаев өлеңдері

Пікірлер (0)

Пікір қалдырыңыз

Жиі қойылатын сұрақтар