Әбділдә Тәжібаев

Темірші әні

Бұл бетте «Темірші әні» атты Әбділдә Тәжібаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

23.03.2019
0
0
1354

Қазанда сарқ-сұрқ қайнайды темір,
Жалаңаш қолмен көсейміз отты.
Темірден қуат алады өмір
Қорлайды жаулар қуаты жоқты.

Қайырмасы:
Айда, темірші, лаулат жалынды,
Тасқын дариядай ағыз темірді!
Біздің Ұлы Отан темір құрсанған,
Болсын өмірлі, болсын көңілді!

Қазанда сарқ-сұрқ қайнайды темір
Дамылсыз тынбай көсейміз отты.
Темірден қанат тағады өмір,
Таппайды жаулар қанаты жоқты.

Қазанда сарқ-сұрқ қайнайды темір,
Дауылдай желмен үрлейміз отты.
Темірден қуат табады өмір
Сыйлайды жаулар темірі көпті.

1957

Әбділдә Тәжібаев темірші темір темірші әні Әбділдә Тәжібаев өлеңдері

Пікірлер (0)

Пікір қалдырыңыз

Жиі қойылатын сұрақтар