Бір дос туралы – Әбділдә Тәжібаев

Бұл бетте «Бір дос туралы» атты Әбділдә Тәжібаев жазған достық туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 23.03.2019
  • 0
  • 0
  • 4065
Домалақ бір досым бар дөп-дөңгелек,
Келеді кең жолдармен көп дөңгелеп.
Өнері оңай тапқан жазушылық,
Өтпейді жазғандары етпей көмек.
Өзі қу сездірмеске сорлылығын
Жанаса жақсылармен жүрер мығым.
Әлдіге қошеметшіл әзілі бар,
Әлсізге аңғарта алар өз сұмдығын.
Алдында айбарлы боп балалардың,
Көрінер көтерердей жүгін нардың,
Жиында жұрттан бұрын төрге ұмтылып,
Ішінен алады орын ағалардың.
Қарызға шаш-етектен батса - дағы,
Төленбей көбі соның жатса - дағы.
Қажетті кісілерді қонақ етіп,
Қояды түзеп түгел қас-қабағын.
Ұмытпай ет пен шайдың арасында,
Я сегіз, я тоғыздың шамасында,
Жылпылдап жүрдек қолы, жүндес қолы
Тартады қартты шапшаң жарасымға.
Айтса да кей жиында «ұят», «ар» деп,
Өзін де ойламайды бірін бір деп.
Өсегі сүйенері - ақ семсері
Сілтейді сырбаздарға соны дәлдеп.
Болса да доп - домалақ, әрі зілдей,
Азғырғыш шапшаңдығы әзәзілдей,
Достардың татулығын тас-талқан қып,
Кетеді ол оп-оңай-ақ бұзып нілдей,
Өмірде тосқауыл жоқ ол бөгелер,
Қолдағыш Архимедтің заңын шебер.
Оп-оңай көтеріліп ауырлықтар,
Ғажайып сиқыршыдай етеді өнер.

1960


Пікірлер (0)

Пікір қалдырыңыз

Жиі қойылатын сұрақтар

Бір дос туралы өлеңінің авторы кім?

Әбділдә Тәжібаев — осы өлеңнің авторы.

Бір дос туралы өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Бір дос туралы өлеңі не туралы?

Бұл шығарма достық туралы өлең ретінде танымал. Өлеңде автор өз ойын көркем түрде жеткізеді.

Бір дос туралы өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері