Өлең, жыр, ақындар

Бұлбұлдың аты — бұлбұл

  • 04.04.2019
  • 0
  • 0
  • 4139
Бір биік талға,
Қонып алып қарға,
Қанатын сілкіді,
Қарқылдай - қарқылдай
Өңеші жыртылды.
Айналаға көз салды,
Бұлбұл құсқа сөз салды:
— Ей, мүсәпір бұлбұл,
Аңдығаның гүл.
Бойыңды жазбайсың,
Биікке қонбайсың,
Аласа гүлді ағашта тұрып,
Былдырлауды қоймайсың.
Мынадай бір тұғыр тауып,
Мен сияқты ауық-ауық
Сайрап қойсаң жетпей ме,
Дыбысың әлемге кетпей ме ? -
Дегенде бұлбұл Қарғаның
Түсінді де арманын:
— Тұғырың түкке керексіз —
Бұлбұл құсқа, бұл — бір.
Екіншіден:
Қайда тұрып сайраса да,
Бұлбұлдың аты — бұлбұл.
Оған қарға түсінген жоқ,
Даусын төмен түсірген жоқ,
Әдеттегі қарқылына басты,
Бұлбұл одан аулақ қашты.



Пікірлер (0)

Пікір қалдырыңыз

Алтын сағат пен шойын сағат

  • 0
  • 0

Құлатай алтын сағатын,
Көрсетіп көпке тағатын.
Жұматай шойын сағатын,
Қалтасына тығатын.

Толық

Құлду-сұлду

  • 0
  • 0

Шәлдірбайға Мәлдірбай
Айтып отыр қалдырмай:
"Тоест "... дей қалса Шәлдірбай,
Түсінбей қалып Мәлдірбай:

Толық

Ол чепуха — түк те емес

  • 0
  • 0

Құлеке колхоз бастығы,
Дей алмас ешкім құнтты емес,
Болып жүр бітік астығы,
Жүз мыңдап жұмсау түк те емес.

Толық

Қарап көріңіз

Басқа да жазбалар