Өлең, жыр, ақындар

Қауіпті молекулалар

  • 14.04.2019
  • 0
  • 0
  • 6127
(ОН, Н20, NH3)
(Әлімжан Құртаев докторлық диссертация қорғаған сәтте ғылыми кеңес үстелінде жазылған өлең)

Темір мен темір қосылмайды екен,
Мың градустан артық балқытпаса егер.
Көңіл мен көңіл қосылмайды екен,
Қос үмітке ортақ жол шықпаса егер.
Сау басты дауға шататыны қалай,
Ежелден бұлар ойқас қауым ба?
Бітіспес жаулық жататыны қалай
Молекулалардың шайқастарында?
Ізденсең, терің тамшылар әлі,
От керек отпен бәстесуге де.
Енбеген заттар бар шығар әлі
Менделеев шалдың кестесіне де.
Тартады не сый заманың тағы,
Шын достықтың ғана табылмас құны.
Жасасын құрылыс алаңындағы
Құм менен цемент бауырластығы!
Шошынған үміт, тосырқаған арман,
Ызалы мұңын себуде саған.
Молекулалары қосылмағандардан
Қаншама зиян шегуде ғалам.
Бұзылды лезде отасқан талғам,
Бірікпес бұлттар ауып келеді.
Рухы, діні шатасқандардан,
Абайла, үлкен қауіп келеді...



Пікірлер (0)

Пікір қалдырыңыз

Наурыз парасаты

  • 0
  • 1

Айналаңнан жаңа көктем лебі ескен,
Бұл кезеңде күн менен түн теңескен.
Сан ғасырлық ата-баба салтына
Көпір болған Наурыз өзің емес пе ең?!

Толық

Ғашықтар мұңы

  • 0
  • 4

Ар алдында, адал, ақпыз десек те
Сан сұрақтар алар кейде жағадан.
Мүмкін, бізді таңар шулап өсекке,
Мүмкін, бізді түсінбейді көп адам.

Толық

Жароков көшесіндегі кездесу

  • 1
  • 7

Лаулата алмай бойдағы бар ұшқынды,
Жүрген кезім армандап алыс қырды.
Бірде мені Төлеген Айбергенов
Тарлан ақын Тайырмен таныстырды.

Толық

Қарап көріңіз