Байбосын мен Жәлелге – Тұрмағамбет Ізтілеуұлы

Ғайып ана хат жаздым,
Байбосын, Жәлел бөлеге.
Ықпал орнап, бақ қонып,
Болыпсыңдар бурадай,
Қаңтарда түскен келеге.
Отырсам да осында,
Марқайып қалдым қалай да,
Шыһқандай биік төбеге.
Алматыға барамын,
"Шақнаманы" сөз қылып,
Жаюға жұртқа өнеге.
Сендер де бол тілектес,
Абырой Алла берсін деп,
Ол сияқты көнеге.
Өлең менен қиялға,
Болмады уақыт, бөлелер,
Толтыруға кенеге.
Апамның жайы жәннат боп,
Өздеріңе құт болсын,
Өздерің тіккен кереге!