Кіріптар

Іс түсті биыл маған үсті-үстіне,
Түспесін мүшкіл жұмыс еш кісіге.
Кітаптан оқығанмын жазған онда:
"Сауап, - деп, - еткен қайыр үш кісіге".
Бірінші — байдан жарлы болса адам,
Екінші — дәрежеден тайса қадам.
Үшінші — өзі ғалым кіріптар боп,
Азапқа арылмастай қалса дауам.
Осының үшеуі де бар басымда,
Айтар мәрт бүкпей сырын жолдасына.
Бірге өскен, қатар туып қадірданға,
Болар ма сырды баян қылмасыңда?

---