Өлең, жыр, ақындар

Түрмедегілерге

  • 22.04.2019
  • 0
  • 0
  • 1386
Бектерім, божырамай белдерің бу,
Қар шөгер қайрат — асқар, тәуекел — ту.
Сабыр етіп, саясында отырсаңдар,
Құритын өз-өзінен уайым — су.
Бұлбұлдай сақардағы сайрарсыңдар,
Бақ, бостан болып бір күн айналаң ну.
Қасыңнан қуаныштың дариясы ағып,
Қаңқылдап қонар оған қаз бенен қу.
Дегендей "Жан қинамай, нәпақа жоқ",
Таң атып, тамашамен тартарсың ду.
Сабыны Саттар Хақтың — шеккен бейнет,
Деп берген: "Кемді күнгі беттерің жу!"
Үмітті, ойлы ерлерім, үзе көрме,
Кеңшілік көтеріліп кетті деп ту.
Шығарар саулыққа Алла шыбыныңды,
Оқ өтіп жатқанменен үстіңнен зу.
Тағдырға тән байламай, тыпыршылап,
Етудің керегі жоқ қой - қой тігу.
Достының Мұхамбеттей үмбетіміз,
Есіркер, қоймас халықты ішкізіп у!
Міндіріп бәріңе де бақ бедеуің,
Ұстатып қолға тізгін дегіз, ер: "Шүу!"
Үмітті осы еткен еш айламай,
Жарықтан қолдарында жарылқану.

1933


Пікірлер (0)

Пікір қалдырыңыз

Айдарбайға

  • 0
  • 0

Қарағым, құтты болсын, алған келін,
Түрі бар басатұғын іштің желін.
Жасыңнан жақсылармен жолдас болып,
Аянбай әр орыннан алдың телім.

Толық

Өтініш Әліпілам "кеп" пен "ре"

  • 0
  • 0

Өтініш, "Әліпілам" "кеп" пен "ре",
Салдырған сардардайсың көпке кіре.
Халықтарға қамаудағы қараударсың,
Жоқтығын жағдайының жүрсін біле.

Толық

Түрмеде

  • 0
  • 0

Кір болып көйлек, ыстан қышындырды,
Бит талап, бүрге менен қысым қылды.
Көнбеске Ақ үкіміне не күшің бар,
Бәнде деп баста саған ісім қылды.

Толық

Басқа да жазбалар