Өлең, жыр, ақындар

Қажығалиға

  • 27.04.2019
  • 0
  • 0
  • 3912
Өзің айтшы, сыншым менің қырағы,
Суға тойған қашан шөлдің мұрабы?!
Он қызы бар ата-анаға, білесің,
Қай кезде де бір ұл жетпей тұрады.
Байи беру болса адамның ұраны,
Оны тірлік түзу жолдан бұрады.
Бір дачасы бар адамға қашанда
Бір машина жетпейді де тұрады.
Малы көпке,
Еске сақта, шырағым,
Шөп болмайды шүкірліктің құрағы.
Қанша өссе де,
Мансап қуған адамға
Бір секіру жетпейді де тұрады.
Ырық бермес көңілдің көк пырағы.
Жақсы арманның жақынынан жырағы.
Тойда қанша тойғанменен
Ішкенге
Бір жүз грамм жетпейді де тұрады.
Өзің айтшы, сыншым менің, қырағы
Майға қашан тойған үйдің шырағы?!
...Бәрін, бәрін,
Бәрін алған адамға
Ә-әй, бірдеңе жетпейді де тұрады!



Пікірлер (0)

Пікір қалдырыңыз

Тағдыр бұлты аспаныңда жүр шұбап

  • 0
  • 0

Тағдыр бұлты аспаныңда жүр шұбап,
Сарғаяды сүмбіледе жыршы бақ.
Өмір деген— бірде көктем, бірде қыс,
Өмір деген — бір көлеңке, бір шуақ.

Толық

Жас кездегі кемшілігің жарты айып

  • 0
  • 0

Жас кездегі кемшілігің жарты айып.
Ұят екен түк бітірмеу қартайып!
Енді көрсем:
Арнасына сыймаған

Толық

Өмірдің өзі қызық-ақ

  • 1
  • 7

Өмірдің өзі жұмбақ бір, өмірдің өзі қызық-ақ,
Жап-жақсы жырды кейде біз түзеумен жүрміз бұзып ап.
Өмірдің өзі жұмбақ бір, өмірдің өзі қызық-ақ,
Біреуді сынап адам ғып, мақтаумен жүрміз бұзып ап.

Толық