Қадыр Мырза Әли

Келген кезде қара бұлттың шабыты

Бұл бетте «Келген кезде қара бұлттың шабыты» атты Қадыр Мырза Әли жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

29.04.2019
0
0
2679

Келген кезде қара бұлттың шабыты,
Нұр жуады көк аспанның мауытын.
Құмның алып тасбақасын көргенде
Елестетем батырлардың сауытын.
Қайран қиял түрген ғарыш іргесін,
Әр уақытта қаламыммен біргесің.
Балға батқан бал арасын көргенде
Елестетем Ескендірдің мүрдесін.
Ойдан ащы болмас кейде ермен де,
Әлденеден көңіл шіркін шерменде.
Елестейді тұтқындардың киімі
Қамаудағы зебрлерді көргенде.
Сәл ойлансаң мынау тірлік қақында,
Тұлпар қиял тықыршиды тақымда.
Бір нәрседен басқа нәрсе көрмесе,
Жарамайды ол көз болуға ақынға!

Қадыр Мырза Әли ақын шабыт келген кезде қара бұлттың шабыты Қадыр Мырза Әли өлеңдері

Пікірлер (0)

Пікір қалдырыңыз

Жиі қойылатын сұрақтар