Қадыр Мырза Әли

Мен отырмын жер ортасы жасқа кеп

Бұл бетте «Мен отырмын жер ортасы жасқа кеп» атты Қадыр Мырза Әли жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

30.04.2019
0
0
3433

Мен отырмын жер ортасы жасқа кеп
Басқа буын,
Енді қазір басқа леп.
Айналайын, ақылдысың,
Алғырсың,
Айтар болсам тіл-ауызым тасқа деп.
Жарық жұлдыз оңың менен солыңда
Жатқан тау жоқ,
Жатқан су жоқ жолыңда.
Дарының да,
Арының да бар, шүкір,
Не істесең де —
Бәрі, бәрі қолыңда!
Асқар анау —
Аспан анау —
Ұшыңдар!
Арман анау,
Ару анау—
Құшыңдар!
Не болса да түсінетін ақыл бар,
Тепсең темір үзетұғын күшің бар.
Айналайын,
Бір нәрсені ұқ бірақ:
Көрпе тігу емес тірлік шыт құрап.
Данамыз ба?
Өмір бізден даналау.
Мықтымыз ба?
Өмір бізден мықтырақ!

өмір арман Қадыр Мырза Әли мен отырмын жер ортасы жасқа кеп Қадыр Мырза Әли өлеңдері

Пікірлер (0)

Пікір қалдырыңыз

Жиі қойылатын сұрақтар