Өлең, жыр, ақындар

Қызғалдаққа толған кезде көркем қыр

  • 30.04.2019
  • 0
  • 0
  • 2516
Қызғалдаққа толған кезде көркем қыр
Гүл патшасы сен боласың ертең бір.
Биігі ме,
Күйігі ме біреудің
Кеудеңдегі анау екі өртенгір?!
Жырдың сазы,
Қыздың назы өтімді.
Сөз бенен көз құртатын да тотыңды.
Өртенерсің,
Өзгені де өртерсің,
Сәл-сәл басшы айналайын, отыңды!
Қара шашты қақ айырып тарадың.
Тарадың да,
Сүзіліп бір қарадың,
Бұл не сиқыр!
Пердесіндей көзіңнің
Кірпігіңді түсірші тез, қарағым!
Болған кезде өліп-өшіп біз ғашық,
Құтыла ма,
Құтылмай ма қыз қашып?!
Айналайын, көңілдерді бұзбашы!
Айналайын, көңіліңді бұзбашы!
Сен бар жерде күн күлімдеп,
Ай күліп,
Басқа тірлік қалады екен қаймығып.
Бүкіл елдің қазынасы — сұлулық,
Ал сұлу қыз — бір-ақ жанның байлығы!
Ал сұлу қыз — бір-ақ жанның байлығы,
Қолдан жасап қайтесің, дос, қайғыны!
Арнаңа түс, дариясы сезімнің!
Сабаңа түс, ақылдың ақ айдыны!



Пікірлер (0)

Пікір қалдырыңыз

Сый

  • 0
  • 1

Құрап бүгін бастарын,
Келіп еді достарым.
Жинап алып ұл-қызды,
Кірпіштен үй тұрғыздық.

Толық

Үйлесім һәм ұйқас тауып қиыннан

  • 0
  • 0

Үйлесім һәм ұйқас тауып қиыннан,
Үкілі ой шықпай қойды ойымнан.
Сол ойменен бардым бүгін жұмысқа,
Сол ойменен қайттым жаңа жиыннан.

Толық

Ғибрат

  • 0
  • 0

Үкі күліп айтты,
Қыран біліп айтты.
— Қыран, сені, ел деген
Құр бекерге мақтайды,

Толық

Қарап көріңіз