Қадыр Мырза Әли

Сен тұрған үйдің тұрғыны

Қазақша өлең мәтіні, өлең жолдары және толық нұсқасы.

30.04.2019
0
0
3377

Сен тұрған үйдің тұрғыны —
Көршіңе бәрін бересің.
Оның да бірақ бір күні
Оңбағандығын көресің.
Сергелдең өмір жолында
Сөзіне достың ересің.
Ойда жоқ жерде оның да
Опасыздығын көресің.
Бота көз бенен қой көзде
Бақытым бар деп жүресің.
Баяндай қыздың кей кезде
Баянсыздығын көресің.
Жанарыменен үміттің
Жақсылық қана тересің.
Өзімдей деген жігіттің
Өзімшілдігін көресің.
Ойланып біраз әріден
Әділдеу болсаң, төрешім,
Солардың тіпті бәрінен
Өзіңді кейде көресің!

Қадыр Мырза Әли әділдік өмір сен тұрған үйдің тұрғыны Қадыр Мырза Әли өлеңдері

Пікірлер (0)

Пікір қалдырыңыз

Жиі қойылатын сұрақтар