Өлең, жыр, ақындар

Бараққа

  • 30.04.2019
  • 0
  • 0
  • 2627
Туысқан бізде мықты ғой
Тарылған ниет-пейілден.
Туған жер болып шықты ғой
Мақаншы саған кейіннен.
Айналып ерте кесірге
Аяусыз тағдыр көктемі,
Жетектеп сені өсірген
Қызылорданың детдомы.
Туғандар бізде мықты ғой
Тарылған ниет-пейілден.
Бауырың болып шықты ғой
Біреулер саған кейіннен.
Мәпелеп сәби жасыңнан.
Толтырып орнын анаңның,
Сипаған сені басыңнан
Алақаны осы заманның.
Тектестер бізде мықты ғой
Танылған ниет-пейілден.
Ақылшың болып шықты ғой
Ағалар саған кейіннен.
Айналып болат-темірге,
Арамдықпенен енді ұстас.
Оқытқан сені өмірге
Жетімдік деген ұлы ұстаз.
Ұғатын адам ұқты ғой,
Басқаша қалай дейін мен.
Достарың болып шықты ғой
Бәрі де, бәрі кейіннен.
Қызығын көріп мол кездің,
Қыдыр сен енді гүл бақта.
Бүгінгі сөзді
Сол кездің
Қара нанымен салмақта!



Пікірлер (0)

Пікір қалдырыңыз

Арман мен ақыл

  • 0
  • 0

Арман мен ақыл
Шіркін-ай, күйші болсам,
Бал тамған бармағынан!
Қадыр Мырза Әли

Толық

Өнердегі жас қадам

  • 0
  • 0

Өнердегі жас қадам
Көп нәрсені кеш білген.
Артық емен басқадан,
Кем де емеспін ешкімнен.

Толық

Бізді неге бұрынғыдай жаз айы

  • 0
  • 0

Бізді неге бұрынғыдай жаз айы
Бейішімен қуантпайды ғажайып?!
Ертеңіңнің мүмкіндігі көбейіп,
Ертегілер кеткен жоқ па азайып?!

Толық

Қарап көріңіз