Қадыр Мырза Әли

Революция дәуірі

Қазақша өлең мәтіні, өлең жолдары және толық нұсқасы.

30.04.2019
0
0
2168

Махаббатқа мас болған гүл айында,
Жауқазын жас, санаңды сынайын ба?!
Сен қалайсың?
Бүгінде революционер
Көмірің де,
Газың да,
Мұнайың да!
Мәңкүр-мүңкір келгенде жан алымға,
Қалшылдайды капитал қамалында.
Бәрі-бәрі бүгінде революционер
Теңізің де,
Бұғаз да,
Каналың да!
Қалайсыңдар,
Мұрагер түлектерім?!
Есте бар ма кешегі түнек керім?!
Бүгін таңда жалынды революционер
Бүтін елдер,
Аралдар,
Түбектерің!
Дүниенің дүрлігер келді кезі,
Келешекті кемеңгер көрді көзі.
Шпалдарын асынған патронташындай
Революция матросы Жердің өзі!

Қадыр Мырза Әли революция революция дәуірі Қадыр Мырза Әли өлеңдері

Пікірлер (0)

Пікір қалдырыңыз

Жиі қойылатын сұрақтар