Замандасы жоққа
Амандасатын адам табылмайды.

Ілмектер: заман, замандас, уақыт, дәуір

---

---

Заман түзелсе,
Жаман да түзеледі.

Ілмектер: заман, жаман, уақыт, дәуір

---

---

Ханның басын хан алар,
Қардың басын қар алар.

Ілмектер: уақыт, дәуір

---

---

Кілемге бергісіз алаша бар,
Ханға бергісіз қараша бар.

Ілмектер: уақыт, дәуір

---

---

Қойды құртаң бүлдіреді,
Елді сұлтан бүлдіреді.

Ілмектер: уақыт, дәуір

---

---

Басыңа іс түссе:
Бекке барма, көпке бар,
Бек беліңді сындырады,
Көп ісіңді тындырады.

Ілмектер: уақыт, дәуір

---

---

Ханның қызы шөміш ұстаса,
Қолы жауыр болады.

Ілмектер: уақыт, дәуір

---

---

Төренің тілі тәтті,
Діні қатты.

Ілмектер: уақыт, дәуір

---

---

Би екеу болса,
Дау төртеу.

Ілмектер: уақыт, дәуір

---

---

Әулекі би
Ат үстінен билік айтар.

Ілмектер: уақыт, дәуір, би

---

---

Туғанына бұрғаны —
Биді құдай ұрғаны.

Ілмектер: би, уақыт, дәуір

---

---

Иілген басты қылыш кеспес.

Ілмектер: бас, қылыш, дәуір

---

---

Есіткен құлақта жазық жоқ

Ілмектер: құлақ, жазық, дәуір

---

---

Төбе би де өзіміз,
Төре би де өзіміз.
Қисық болса сөзіңіз,
Құрулы тұр тезіміз.

Ілмектер: сын, дәуір

---

---

Алмақтың да алмағы бар,
Ат көтере алмас салмағы бар.

Ілмектер: салмақ алу, дәуір

---

---

Көзбен көргенді
Құлақпен есіткен жеңген.

Ілмектер: көз, жеңу, дәуір

---

---

Әділ бидің өлгені —
Сөзінің болса жалғаны,
Ғұламаның өлгені —
Болмаса тәлім алғаны.

Ілмектер: әділ, ғұлама, би, дәуір

---

---

Тура биде туған жоқ,
Туғанды биде иман жоқ.

Ілмектер: уақыт, дәуір

---

---

Хан — қарақшы,
Халық — сарапшы.

Ілмектер: хан, уақыт, дәуір

---

---

Хан көп болса — жау көп,
Би көп болса — дау көп.

Ілмектер: хан, би, уақыт, дәуір

---

---