хан туралы мақал-мәтел

Дастарханда наны жоқтың, Тамағының сәні жоқ.

нан, дастархан

Дастарханның басында дұшпан да дос.

дос, дұшпан

Халық қаласа, Хан қайығын береді.

халық, хан

Хан көп болса — жау көп, Би көп болса — дау көп.

хан, би

Хан жарлығынан Қатын жарлығы күшті.

хан, қатын

Ойында өрелік жоқ, Ханында төрелік жоқ.

хан, уақыт

Хан сарайы демесең, Қатын өсек қаптаған. Қошеметшіл қу өңшең Ханды ғана мақтаған.

хан, уақыт

Ханның ісі қараға түседі, Бидің ісі параға түседі.

хан, би

Хан халықтан үлкен емес.

хан, дәуір

Көп толқыса — хан құлайды, Көл толқыса — жар құлайды.

хан, дәуір

Айырдан туған жампоз бар, Нар емес десең нанғысыз, Қарадан туған жігіт бар, Ханға күнін салғысыз.

хан, жігіт

Ханды құдай ұрғаны, Халқымен жау болғаны. Биді құдай ұрғаны, Билігі дау болғаны.

хан, би

Бала ханнан үлкен, Ашамай нардан үлкен.

бала, хан

Қос ұл туған қатынды Ханым десе болады. Ел қорғаған батырды Нарым десе болады.

қатын, ханым

Ханның ісі қараға түсер, Батырдың ісі балаға түсер, Байдың ісі кедейге түсер, Бәйбішенің ісі тоқалға түсер, Арыстанның ісі тышқанға түсер, Ердің ісі баз-базында дұшпанға түсер.

хан, батыр

Дихан болсаң, қос өгізің тең болсын, Шаруа болсаң, қос етегің кең болсын.

дихан, шаруа

Хан еріксе, қара халық ханның ойыншығы болады.

хан, пейіл

Әр ханның тұсында, Бір сұрқылтай.

хан, ынсап

Хан сыртынан жұдырық.

хан, жұдырық

Ханнан қазық, биден тоқпақ.

хан, би

Қара қайсы, хан қайсы, Елді ойлаған жан қайсы.

хан, ел

Бай қасына барып бақыр болмасаң, маған кел, Хан қасына барып басыңды алмаса, маған кел.

бай, хан

Кеңесті хан азбайды, Кең киім тозбайды.

киім, кеңес

Ханда қырық кісінің ақылы бар.

ақыл, хан

Алты ұл тапқан әйелді ханым десе болмас па, Аға деген жігітті жаным десе болмас па.

аға, ұл