Баласы әкесін үйретпес.

Ілмектер: бала, әке

---

---

Баласы жыламай,
Шешесі емшек бермес.

Ілмектер: бала, ана, шеше, емшек

---

---

Баласы көп болса,
Ұрыс бастайды.
Жылқысы көп болса,
Қоныс бастайды.

Ілмектер: бала, ұрыс, жылқы, қоныс

---

---

Көне киім жаңаны сақтайды,
Кәрі кемпір баланы сақтайды.

Ілмектер: киім, кәрі, кемпір, бала

---

---

Би баласы биге ұқсар,
Биік-биік тауға ұқсар.
Хан баласы ханға ұқсар,
Қанатын жайған қазға ұқсар.
Бай баласы байға ұқсар,
Байланбаған тайға ұқсар.

Ілмектер: би, бала, тау, хан, әке, бай

---

---

Би болмақ ініден,
Билікке шықпақ баладан.

Ілмектер: іні, билік, бала

---

---

Бөрі баласын бөркіңе салсаң, ит болмас.

Ілмектер: бөрі, бала, қасқыр, ит, жануралар, жануарлар туралы мақалдар, жануарлар туралы мақал

---

---

Әдепті бала өсірсең,
Ауылдың абыройы.
Ақылды жігіт өсірсең,
Атырабыңның абыройы.

Ілмектер: әдеп, бала, жігіт, абырой

---

---

Ата-ананың қадірін
Балалы болғанда білерсің;
Ағайынның қадірін
Жалалы болғанда білерсің.

Ілмектер: ата-ана, бала, ағайын, туыс

---

---

Бесік баласы
Бес түлейді.

Ілмектер: бала, бесік

---

---

Әдепті бала ата-анасын мақтатар,
Әдепсіз бала ата-анасын қақсатар.

Ілмектер: әдеп, ата-ана, бала

---

---

Ата - асқар тау,
Ана - бауырыдағы бұлақ,
Бала - жағасындағы құрақ.

Ілмектер: ата, ана, бала

---

---

Ақ жаулығы ананың —
Ақ көрпесі баланың.

Ілмектер: ана, бала

---

---

Баласыз ана — гүлсіз алма.

Ілмектер: бала, ана

---

---

Болатын бала — пысық,
Жауатын күн — ыстық.

Ілмектер: бала, пысық, күн

---

---

Бала ханнан үлкен,
Ашамай нардан үлкен.

Ілмектер: бала, хан

---

---

Ханның ісі қараға түсер,
Батырдың ісі балаға түсер,
Байдың ісі кедейге түсер,
Бәйбішенің ісі тоқалға түсер,
Арыстанның ісі тышқанға түсер,
Ердің ісі баз-базында дұшпанға түсер.

Ілмектер: хан, батыр, бай, бала, бәйбіше, тоқал, арыстан, тышқан, ер, дұшпан

---

---

Болатын елдің баласы
Бірін бірі:
«Батыр!»дер.
Болмайтын елдің баласы
Бірін бірі:
«Қатын!» дер.

Ілмектер: бала, ел, батыр, қатын

---

---

Жақсы әке жаман балаға,
Қырық жыл азық.

Ілмектер: жақсы, жаман, әке, бала

---

---

Алты жасар бала алыстан келсе,
Алпыс жасар кәрі алдынан шығар.

Ілмектер: бала, қарт, салт-дәстур, әдет-ғұрып

---

---