Жетесіз бала «жерден алдым» дейді,
Жетілген бала «елден алдым» дейді.

Ілмектер: бала, ел, жер

---

---

Қала — халқының салтанаты,
Бала — ата-ананың қолқанаты.

Ілмектер: халық, бала, ата-ана

---

---

Халықты дана қосады,
Қатын мен ерді бала қосады.

Ілмектер: халық, бала

---

---

Өсер елдің баласы
Қозысын күтіп қой қылар,
Өспес елдің баласы
Қозысын сойып, той қылар.

Ілмектер: ел, бала

---

---

Алыстан ердің дәрібі бар,
Қасына келсең, баладай.
Алыстан таудың дәрібі бар,
Қасына келсең, обадай.

Ілмектер: ер, бала

---

---

Баланың сегізінде тісі түседі,
Сексенінде ердің ерге ісі түседі.

Ілмектер: бала, ер

---

---

Бала болғанын білмес,
Батыр толғанын білмес.

Ілмектер: бала, батыр

---

---

Батыр ортақ, бала ортақ,
Бодаудан қайтқан мал ортақ.

Ілмектер: батыр, бала

---

---

Қас сұңқардың баласы
Шыңнан тоят тілейді.
Қас тұлпардың баласы
Шапқан сайын үдейді.

Ілмектер: бала

---

---

Ұлыңа бес жасқа дейін патшаңдай қара
Он бес жасқа дейін қосшыңдай сана,
Он бестен асқан соң досыңа бала.

Ілмектер: ұл, бала

---

---

Балаң жақсы болса —
Екі көздің шырағы.
Атың жақсы болса —
Бұл дүниенің пырағы.
Алған жарың жақсы болса —
Абыройыңның тұрағы.

Ілмектер: бала, ат, әйел, жақсы

---

---

Балаға —
Ата қорған, ана құрбан.

Ілмектер: бала, ата, ана

---

---

Қарды қылау өсіреді,
Баланы сылау өсіреді.

Ілмектер: бала

---

---

Бай күйігі - сыртта, бала күйігі - іште.

Ілмектер: бай, бала

---

---

Жақсы бала қонаққа үйір,
Жақсы тай атқа үйір.

Ілмектер: жақсы, бала, қонақ

---

---

Тентек баланы теке сүзеді.

Ілмектер: тентек, бала

---

---

Алты бала таппай ана аталмайды,
Бес бала таппай белгілі әйел болмайды.

Ілмектер: ана, бала, әйел, сан туралы мақал

---

---

Ата – баланың қорғаны.

Ілмектер: ата, бала, қорған, отбасы, туыс, жанұя

---

---

Атаға баланың алалығы жоқ.

Ілмектер: ата, бала, отбасы, туыс, жанұя

---

---

Сақау баланың тілін шешесі біледі.

Ілмектер: сақау, бала, ана, отбасы, туыс, жанұя

---

---