Бар бәледен ұят сақтайды,
Барлық жақсы істің байламы да ұятта.

Ілмектер: бәле, ұят, жақсы, іс

---

---

Жақсының басына іс түссе,
Отбасына білдірмейді.
Жаманның басына іс түссе,
Отбасын күлдірмейді.

Ілмектер: жақсы, жаман, отбасы

---

---

Бектер сөзін айта берме (басқа сын!),
Қайталама жақсы сөзден басқасын.

Ілмектер: бек, сөз, сын, жақсы

---

---

Өзін ғана ойлаған
Жамандықтың белгісі,
Өзгені де ойлаған
Адамдықтың белгісі.

Ілмектер: адам, мінез-құлық, жақсы, жаман

---

---

Жақсы келді дегенше, жарық келді десеңші,
Жақсылықтың ұрығын алып келді десеңші.

Ілмектер: жақсы, жақсылық

---

---

Жақсы іске келді, жаман асқа келді.

Ілмектер: жақсы, жаман, ас, іс

---

---

Жақсыда кек жоқ.

Ілмектер: жақсы, жақсылық

---

---

Жақсы болсаң, жердей бол,
Бәрін шыдап, көтерген.
Таза болсаң, судай бол,
Бәрін жуып кетірген.

Ілмектер: жақсы, жаман, мінез-құлық

---

---

Жаман сөз —
Жанға кірген тікен,
Жақсы сөз —
Таптырмайтын ем.

Ілмектер: жама, жақсы, сөз, тіл, ем

---

---

Жақсыға қылған жақсылық, өмірінше тозбайды,
Жаманға қылған жақсылық, бір күнгідей болмайды.

Ілмектер: жақсы, жаман, жақсылық

---

---

Жақсының жауы көп.

Ілмектер: жақсы, жау

---

---

Жаманға жақсылық қылсаң атыңды ерттеп қой.

Ілмектер: жаман, жақсы, ат

---

---

Болар істің біткені жақсы.

Ілмектер: іс, жақсы

---

---

Басыңа іс түссе,
Жақсы көмек етеді,
Жаман күліп өтеді.

Ілмектер: іс, жақсы, жаман

---

---

Жақсы әке жаман балаға,
Қырық жыл азық.

Ілмектер: жақсы, жаман, әке, бала

---

---

Атадан жақсы ұл туса,
Елінің қамын жейді;
Атадан жаман ұл туса,
Елінің малын жейді.

Ілмектер: ата, ұл, жақсы, жаман, ел, мал

---

---

Ұстаның бізі сүйкімді,
Жақсының сөзі сүйкімді.

Ілмектер: ұста, жақсы, сөз

---

---

Күн ортақ,
Ай ортақ
Жақсы ортақ.

Ілмектер: жақсы

---

---

Жаман сайға су түссе, өткел бермес көшуге,
Жаман кісіге мал бітсе сусын бермес ішуге.

Ілмектер: жақсы, жаман, су, дүние

---

---

Жақсы сөз — жарым ырыс.

Ілмектер: жақсы, сөз, ырыс, тіл

---

---