Өлеңдер - Bilim

Erkekyz

Ризамын, анашым мен өзіңе,
Құлақ салып тыңдаймын əр сөзіңе.
Шүкіршілік етемін бір Аллаға,
Бала еткен дəл өзіңдей жан анаға!

Туып өстім тамаша Жуалымда!
Жуып өскем бетімді бұлағында.
Тамылжыған табиғат кең далама,
Мың төгілер жүректен жыр ағыла!

Тербейді бойымды тұнық сырлар,
Жүрегімде толып жатқан түрлі жырлар.
Айқайлап шартарапқа жар саламын,
Мен бүгін қазағым деп жыр жазамын!

Самал болып желдей ескім келеді,
Күндей болып жарық бергім келеді,
Құстай болып самғап ұшқым келеді,
Бəрінен де өмір сүргім келеді!