Егініңді күн суар,
Күн суарма, түн суар.

Ілмектер: егіншілік, егін

---

---

Күтімді егін бітімді.
Бітімді егін түсімді.

Ілмектер: егіншілік, егін

---

---

Түнгі су — ну,
Күндізгі су — бу.

Ілмектер: су

---

---

Судың терең, саязын
Ағысынан білерсің.
Аттың жақсы, жаманын
Шабысынан білерсің.

Ілмектер: төрт түлік мал, су

---

---

Тары болса,
Тауық табылады.

Ілмектер: егіншілік, тары

---

---

Бір кісі қазған құдықтан
Мың кісі су ішеді.

Ілмектер: су, құдық

---

---

Бағбан өлсе бақ жетім,
Құлан кетсе қақ жетім.

Ілмектер: бағбан, егіншілік, жетім

---

---

Көк шықпаған жер —
Көтерем мал сияқты.

Ілмектер: жер, егіншілік

---

---

Тырс-тырс еткен тамшы
Тасты теседі.
Былш-былш еткен өсек
Басты кеседі.

Ілмектер: өсек, тамшы

---

---

Жапырағы — қамқадай,
Топырағы — торқадай.

Ілмектер: егіншілік

---

---

Егінші жауында тынады,
Қайықшы дауылда тынады.

Ілмектер: егіншілік

---

---

Жылқы бақсаң.
Құрығыңды сайла.
Егін ексең,
Ұрығыңды сайла.

Ілмектер: жылқы, төрт түлік мал, егіншілік

---

---

Көрінген таудың алыстығы жоқ.

Ілмектер: тау, алыс

---

---

Кемедегінің жаны бір.

Ілмектер: кеме, жан, бір

---

---

Жақсылық еккен алғыс орады.

Ілмектер: жақсылық, алғыс

---

---

Отты жаға білмеген
Пықсытады.
Шөпті шаба білмеген
Қоқсытады.

Ілмектер: от, шөп, білмеу

---

---

Берекесі кеткен ауылдың
Айтқаны өсек болар,
Аңдығаны төсек болар,
Берекесі кірген ауылдың:
Айналдырғаны шаруа болар.
Еккені тары, жегені жарма болар.

Ілмектер: өсек, ауыл, егіншілік

---

---

Теңізді қасықтап төгіп
Сарқа алмайсың.

Ілмектер: теңіз

---

---

Теңіз кешкенге
Өзен сирағынан да келмейді.

Ілмектер: теңіз, өзен

---

---

Басыңды көтеріп елден сұрағанша,
Басыңды иіп жерден сұра.

Ілмектер: егіншілік, ел, сұрау

---

---