Көше қаланың —
Көркі.
Көкорай —
Даланың көркі.

Ілмектер: көше, қала, дала

---

---

Кімнің жерін жайласаң,
Соның отын оттарсың.

Ілмектер: жер

---

---

Ағаш — жапырағымен,
Жер — топырағымен.

Ілмектер: ағаш, жер

---

---

Елді жер —
Еңісті жер.
Еңісті жер —
Жемісті жер.

Ілмектер: жер

---

---

Жалғыз ағаш орманға қарайды,
Жалғыз бала қорғанға қарайды.

Ілмектер: жалғыз, ағаш, бала

---

---

Кімнің тарысы піссе,
Соның тауығы.

Ілмектер: егіншілік

---

---

Жалғыз еменге жай түскіш.

Ілмектер: егіншілік

---

---

Бұлаққа бұлақ қосылса,
Егізбіз дейді.
Көлге көл қосылса,
Теңізбіз дейді.

Ілмектер: су, бұлақ, көл, теңіз

---

---

Орман —
Ел дәулеті,
Жер сәулеті.

Ілмектер: орман, жер

---

---

Суға кеткен тал қармайды.

Ілмектер: су

---

---

Дауылдың алды — жел,
Жаңбырдың арты — сел.

Ілмектер: дауыл, сел, жаңбыр

---

---

Гүл қайда болса,
Көбелек сонда.

Ілмектер: гүл, көбелек

---

---

Қар суының тасқынын,
Қасқалдақ көрмес.

Ілмектер: су, тасқын

---

---

Диқан еккенін жейді,
Жылқы тепкенін жейді.

Ілмектер: егіншілік

---

---

Су байлық —
Алты айлық.
Қар байлық —
Үш айлық.

Ілмектер: су, қар, байлық

---

---

Жер байлықтың көзі,
Еңбеккер иесінің өзі.

Ілмектер: жер, ел, егіншілік

---

---

Жер —ана,
Ел — бала.

Ілмектер: жер, ел

---

---

Ойдағы үй — селдікі,
Өрдегі үй — желдікі,
Жазықтағы үй — елдікі.

Ілмектер: үй

---

---

Бұлыңғыр күннің артынан
Бұлтты түре күн шығар.

Ілмектер: бұлт, күн

---

---

Сай қуалап су ағар,
Жел қуалап от жанар.

Ілмектер: су, от

---

---