Эссе және өлең-жыр байқауы

Анекдот, әзілдер, қазақша анекдоттар

Баяғыда бір бай болыпты. Қорасы қойға толы, шарасы майға толы екен. Бір күні байдың қорасындағы малына ұры түседі. Ұрыны ұстап алып.
- Атың кім? - деп сұраса
Ұры:
- Әрине - деп жауап береді.
- Не істеп жүрсің? - десе, тағыда әрине деп жауап беріпті.
- Елің қайда? - десе
"Әрине" - деп айта беріпті.
Сонда бай:
- Мынаның есі дұрыс емес шығар жіберіңдер. - деп босатады.
Сонда ұры:
- Қойға келген ұры едім, әринемен құтылдым деп қашып кетіпті.

Ілмектер: әзіл, ұры, бай

Ертеде бір еріккен хан «Кім де кім есекті сөйлетсе соған екі қап алтын беремін, ал сөйлете алмаса басын шабамын» деп жаханға жар салыпты. Еcекті кім сөйлете алсын. Көпке дейін ешкім келмепті. Бір күні Алдар көсе ханның алдына барыпты. Өзінің есегін көрсетіп, "Мына есегімді сөйлете аламын. Ол үшін сіз маған 20 жыл уақыт және алтындарыңызды алдымен беріңіз." - депті. Ешекті сөйлетемін дегенге таң қалған хан шартына көніп екі қапты алтынды есегіне артқызып егер сөйлете алмасаң басыңды аламын деп Алдарды жіберіпті. Алдарды көрген адамдар оны аяп, О ақымақ ешекті қалай сөйлетесің, ертең басыңды алады ғой. –депті.
Сонда Алдар,
— Мен емес сендер ақымақсыңдар. 20 жылға дейін не хан өледі, не мен өлемін, не есек өледі ғой. – деген екен.

Ілмектер: Алдар, хан, Еcек, Алдар көсе

Әдебиет сабағында:
Мұғалім: Бүгінгі тақырыбымыз - "Қозы Көрпеш пен Баян сұлу"
...Сарыбай Қарабайдың баласы Қозыны бесікте көргенде қорыққан екен.
Оқушы: Апай, сізде қошақанды бесікке бөлеп қойса қорқатын едіңіз ғой!

Ілмектер: Әдебиет сабағы, мұғалім, Қозы Көрпеш пен Баян сұлу

Бір күні бір студент бала әкесіне хат жазыпты.
" Сәлеметсізбе, әке! Жағдайларыңыз қалай? Сіздер жіберген ақшаны үнемдеп, күніге автобустың артынан жүгіріп барып, жүгіріп келіп 50 теңгеден 100 теңгені үнемдеп жүрмін."
Әкесі баласына былай деп жазыпты:
"Балам енді микроавтобустың артынан жүгірсең, күніге 80 теңгеден 160 теңге үнемдейсің!"

Ілмектер: студент, автобус, үнемдеу.

Бір жігіт үйленіпті. Тауға шығып, бар дауысымен айқайлап:
- Мен үйлендім!
-дауыс қайталанбапты (эхо жоқ)
- Мен Үйлендім!
-дауыс қайталанбапты (эхо жоқ)
Мен үйлендім!
- Бекер істегенсің! Бекер істегенсің! Бекер істегенсің!

Ілмектер: Жігіт, үйлену, эхо

Мектепте оқитын бала әкесіне:
- Әке, ертең мектепте "Айтуға оңай" болады.
- Қоой! Шын ба? Ура! Так-так... Киімді үтіктеу керек...
- Өй, папа, жиналыс болады. Қайдағы айтуға оңай? Ертең сағат 12:00-де. Кешікпе!

Ілмектер: Мектеп туралы анекдот, жиналыс

Автобуста кәрі кемпір арық жас адамға орын бермекші болады:
- Отыр сормаңдай, соншама неге арықсың? Науқассың ба?
- Жоқ, рахмет. Мен - студентпін.
- Онда сырт киіміңді бер, ұстап тұрайын !
- Бұл сырт киім емес, бұл менің досым - Арман !!!

Ілмектер: автобус, арық, студент

Көлігі апатқа ұшыраған автобус жүргізушісінің басына келетін ең бірінші ой:
-ААА, тиындар шашылатын болды!

Ілмектер: тиын, Көлік апаты, автобус, жүргізуші

Бір күні қазақ,орыс, өзбек келе жатып бір байға кезігеді. Бай оларга кімде кім менің койымды мәәә дегизсе соған бар байлығымды берем депти. Сомен орыс пен өзбек мәәә дегізе алмай койыпты, ал қазақ барып койдың котіне ине тығып алады сол кезде кой мәәә дейді екен, бай тағы енди қойымды ыыі дегізіп беріңдер депті. Орыс пен өзбектен ештеңе шықпайды қазақ барып кешегідей артыңа ине тығып алайын ба дегенде қой ыыі депті, сөйтіп бар байлық қазаққа калады

Ілмектер: қазақ туралы анекдот, қазақ өзбек орыс

Ворд, пайнт және гугл хромды жақсы қолдана білетіндіктен мені жұмыста «программист» деп атайды.

Ілмектер: Ворд, пайнт, гугл хром, жұмыс, программист

Егер түнде, шынымен, тамақ ішуге болмайтын болса, онда тоңазытқышты ашқанда, неге жарығы жанады?!

Ілмектер: тоңазытқыш, тамақ

- Кезінде әке-шешемді бекер тыңдамаппын. Қазір соған өкініп жүрмін.
- Әке-шешең не деп еді?
- Қайдан білейін? Айтып тұрмын ғой, тыңдамаппын

Ілмектер: Әке-шеше, тыңдау, өкіну

- Үйленер алдын тақыр кедей екеніңді неге айтпадың, албасты???
- Неге айтпадым? Айттым ғой. «Барым да, бағым да - сенсің!» дегенімді романтика деп ойлап қалдың ба?

Ілмектер: романтика, кедей, үйлену

Әжесі бес жасар немересіне:
– Құлыным, қарашы, «бип-бип» келе жатыр.
– Әже, қойшы, қайдағыны айтпай. Бұл BMW 325 қой!

Ілмектер: Әже, немере, bmw

Бір тәкаппар адам жамағаттың арасында аяғын созып, керіліп отырған еді. Мұны көрген Қожанасыр да оған қарай аяғын созып алады. Бұған тәкаппар адам ашуланып, айғайлай бастайды:
- Өй, сен маған құрметсіздік жасадың ғой, сен және есектің арасында қандай айырмашылық бар өзі?- дейді.
Сонда Қожанасыр дереу өзімен әлгі адамның арасындағы қашықтықты өлшеп:
- Есек пен менің арамдағы айырмашылық 3 метр, - деп жауап берген екен. )))

Ілмектер: тәкаппар, Қожанасыр, есек

Оқушы сабақ айтып болған соң:
- Мен бұл бағаға лайық емеспін, - дейді.
Ұстаз:
- Ренжімеңіз, бұдан төмен баға жоқ.

Ілмектер: оқушы, сабақ, баға

Жұмыспен қамту орталғына жұмыс іздеп келген адамнан орталықтың қызметкері:
- Бұрын не жұмыс істейтін едіңіз?- деп сұрайды.
- Алматыда қолтырауын аулайтынмын.
- О не дегеніңіз, Алматыда қолтырауын қайдан болсын?
- Мен де сол себепті жұмыссыз жүрмін ғой,-деген екен.

Ілмектер: Алматы, крокодил, қолтырауын, жұмыс

Асқазанының қатты аурып тұрғанына шағымданып келген адамнан дәрігер сұрайды:
- Кеше түскі және кешкі аста не жедіңіз?
- Алдыма не қойылған болса соның бәрін жедім.
Дәрігер ойланып тұрып, көздің дәрілерін жазып береді. Науқас ашуланып:
- Дәрігер мырза мынауыңыз не, асқазанмен көздің не қатысы бар?
- Қатысы бар әрине, көзіңіз жақсы көргенде алдыңнан шыққан барлық нәрсені апыл-ғұпыл жей беріп, асқазаныңды бұзбас едің?- деген екен.

Ілмектер: асқазан, дәрігер

Қожанасыр жолда келе жатып жаңғақ ағашының астына көлеңкелеп отырады. Ағаштың маңында асқабақ бақшасы бар еді. Қожа: «Мына табиғаттың қызығын-ай асқабақтың сабағы кіп-кішкентай бірақ жемісі менің қапшығымдай үп-үлкен. Ал мына діңгегі қалың еңгезердей ағаштың жемісі болса есектің көзінен де кіп-кішкентай» деп іштей ойлайды. Ол осылай ойлап отырғанында басына тарс етіп бір жаңғақ түседі. Шекесі қызарып қалған қожа жаңғаққа бір, асқабаққа бір қарап: «Тәубә, сөзімді кері алдым. Астында отырған мына ағаш асқабақ ағашы болғанда қайтер едім» деген екен.

Ілмектер: Қожанасыр, ағаш, асқабақ, жаңғақ

Бірге тұратын төрт студент математикадан болатын емтиханға ұйықтап қалады. Профессорға барып көліктерінің дөңгелегі жарылып қалғандығынан емтиханға кешіккендерін айтып, төртеуі үшін қайта емтихан алуын өтінеді. Профессор келіседі. Ертеңіне төртеуін аудиторияның төрт бұрышына отырғызады. Бірінші мен екінші сұраққа 15 балдан қоятынын, ал үшінші сұраққа дұрыс жауап берсе 70 бал қоятынын айтады. Емтихандағы ең қызық және ең қиын үшінші сұрақ болатын: «Көліктің қай дөңгелегі жарылды?..»

Ілмектер: дөңгелек, Профессор, студент, емтихан, сұрақ, математика