Мақсұд
- 0
- 2
Бір Алла, бергеніңе сансыз шүкір,
Қалған жоқ зал болып қылған пікір.
Бітірдім «Түрік, қазақ шежіресін»,
Болса да кемшілікті, қисық-бүкір.
Жолама, қулар, маңайға – Шәкәрім Құдайбердіұлы
Бұл бетте «Жолама, қулар, маңайға» атты Шәкәрім Құдайбердіұлы жазған өлеңнің мәтіні толық жарияланған.
Жолама, қулар, маңайға,
Не қылмадың талайға?
Кiм жағады сендерге
Тартқызған азап Абайға?
Соның да тiлiн алмадың‚
Сабадың‚ сөктiң‚ қарғадың.
Көрiне қашан кiргенше
Арсылдап иттей қалмадың.
Сендерден белгi нең қалар?
Жемтiгiң, жеген жем қалар.
Ақылы дария Абайдан
Таусылмас қоры кен қалар.
Жақсыдан қазына пұл қалар,
Солмайтын жасыл гүл қалар.
Сендердей арсыз қулардан
Желге ұшатын күл қалар.
Менi арбайтын сен емес,
Көнетiн саған мен емес.
Ақылың сенiң – маған тұл,
Дертiмдi жазар ем емес.
Адамдық борыш, ар үшiн,
Барша адамзат қамы үшiн,
Серт бергем еңбек етем деп,
Алдағы атар таң үшiн.
Сендермен де жүргемiн,
Әр тесiкке кiргемiн.
Жәдiгөй, арам сайтаным,
Жаныңның сырын бiлгемiн.
Сертiме жету – арманым,
Көтерем тағдыр салғанын.
Өлгенiмше iзденем,
Толтырар кемiн қалғаным.
Адам үшiн еңбегiм –
Елу бес жыл тергенiм.
Қалағанын қарап ал,
Мұрам сол, жастар, бергенiм!
Не қылмадың талайға?
Кiм жағады сендерге
Тартқызған азап Абайға?
Соның да тiлiн алмадың‚
Сабадың‚ сөктiң‚ қарғадың.
Көрiне қашан кiргенше
Арсылдап иттей қалмадың.
Сендерден белгi нең қалар?
Жемтiгiң, жеген жем қалар.
Ақылы дария Абайдан
Таусылмас қоры кен қалар.
Жақсыдан қазына пұл қалар,
Солмайтын жасыл гүл қалар.
Сендердей арсыз қулардан
Желге ұшатын күл қалар.
Менi арбайтын сен емес,
Көнетiн саған мен емес.
Ақылың сенiң – маған тұл,
Дертiмдi жазар ем емес.
Адамдық борыш, ар үшiн,
Барша адамзат қамы үшiн,
Серт бергем еңбек етем деп,
Алдағы атар таң үшiн.
Сендермен де жүргемiн,
Әр тесiкке кiргемiн.
Жәдiгөй, арам сайтаным,
Жаныңның сырын бiлгемiн.
Сертiме жету – арманым,
Көтерем тағдыр салғанын.
Өлгенiмше iзденем,
Толтырар кемiн қалғаным.
Адам үшiн еңбегiм –
Елу бес жыл тергенiм.
Қалағанын қарап ал,
Мұрам сол, жастар, бергенiм!
жасмин
КУщти рахмет
акмарал
мен 6а сыныбынаң артынан рахмет айтамын
Көркем
Күшті жазылған
Гүлсезім
Керемет екен күшті
Гүлсезім
Керемет жазылған екен күшті
Жұлдыз
Шәкәрім Құдайбердіұлының «Жолама, қулар, маңайға» өлеңін оқып, ақынның азаматтық позициясына, әділдікке деген қайсарлығына тәнті болдым. Бұл – тек әдеби шығарма емес, қоғамның жарасын аша білген батыл үн, өз заманының сыбайлас жемқорларына қарсы айтылған ащы да өткір толғау.
Мөлдір
Өте мағыналы әрі терең ойға жетелейтін өлең екен. Шәкәрім атамыз адамның мінезі мен қоғамдағы әділетсіздікті өте дәл жеткізген. Әсіресе, адалдық пен ар мәселесін қозғауы ерекше әсер қалдырды. Осындай құнды шығармаларды оқи отырып, адам өзіне де сын көзбен қарай бастайды. Керемет жазылған, ой саларлық туынды!