Аталық, ата туралы мақал-мәтелдер

Аталы ел баталы.
 
*** *** *** ***

Ата балаға сыншы.
 
*** *** *** ***

Ата көрген оқ жонар,
Ана көрген тон пішер.
 
*** *** *** ***

Аталы баланың сөзі ойнайды,
Атасыз баланың көзі ойнайды.
 
*** *** *** ***

Атадан өсиет, анадан қасиет.
 
*** *** *** ***

Атасыз үй — батасыз,
Анасыз үй — панасыз.
 
*** *** *** ***

Атаның салған жолы бар,
Ананың тіккен қолы бар.
 
*** *** *** ***

Атаға бала жеттім десе де,батпан ширек төмен болады.
 
*** *** *** ***

Атаң өлсе өлсін,
Атаңды көрген өлмесін.
 
*** *** *** ***

Жақсы ата жаман балаға қырық жыл азық.
 
*** *** *** ***

Атаңа не қылсаң, алдыңа сол келер.
 
*** *** *** ***

Атадан ұл туса игі.
 
*** *** *** ***

Ата даңқымен қыз өтер.
 
*** *** *** ***

Атасыз ұлдың аузы үлкен.
 
*** *** *** ***

Атадан жақсы ұл туса, елінің қамын жейді,
Атадан жаман ұл туса, елдің малын жейді.
 
*** *** *** ***

Атадан жақсы ұл туса,
Есіктегі басын төрге сүйрер.
Атадан жаман ұл туса,
Төрдегі басын есікке сүйрер.
 
*** *** *** ***

Ата даңқымен сөз өтер.
Мата даңқымен  бөз өтер.
 
*** *** *** ***

Атаңның баласы болма,
Адамның баласы бол.
 
*** *** *** ***

Үйінде атасы бардың берер батасы бар.
 
*** *** *** ***

Атасы мылтық атқанның,
Баласы оқ жонар.
 
*** *** *** ***

Алпыстағы атаңды жыққанша,
Алтыдағы атанды жық.

---

Әлеуметтік желілерде бөлісіңіз: