Өмір, орта туралы мақал-мәтелдер

Тумаң туысқандай болмайды,
Тұрман құйысқандай болмайды.
 
*** *** *** ***

Жеткіншектен айырылған,
Жер таянбай тұрмайды.
 
*** *** *** ***

Көрмесе жат, көріспесе ұят.
 
*** *** *** ***

Келер кезек, терме тезек.
 
*** *** *** ***

Келіні жақсының керегесі алтын.
 
*** *** *** ***

Жыласуға көз жақсы,
Сыйласуға жат жақсы.
 
*** *** *** ***

Ағайынды жігіттің отар малы бар,
Жалғыз-жарым жігіттің шығар-шықпас жаны бар.
 
*** *** *** ***

Көп ақымақтың ағасы болғанша,
Көп ақылдының інісі бол.
 
*** *** *** ***

Бөдененің үйі жоқ,
Қайда барса бытпылдақ.
 
*** *** *** ***

Қасқырлы жердің елі айтақшыл.
 
*** *** *** ***

Бұралқы ит үріп жағынады.
 
*** *** *** ***

Қарақұс қайырғанмен бүркіт болмас.
 
*** *** *** ***

Міріден сірі айырады.
 
*** *** *** ***

Жоны қашқан итке өлексе жоламас.
 
*** *** *** ***

Ит ұяласынан қорықпайды.
 

*** *** *** ***

Жақсы ит иесінің көз құлағы.
 
*** *** *** ***

Ит атасын танымас.
 
*** *** *** ***

Қабаған ит қайыр байлайды.
 
*** *** *** ***

Борсық ұрған сайын семіреді.
 
*** *** *** ***

Қоян көлеңкесінен қорқады.
 
*** *** *** ***

Қашқан қоян жатқан қоянды ала кетеді.
 
*** *** *** ***

Бөрінің аузы жесе де қан, жемесе де қан.
 
*** *** *** ***

Мылтығыңның күмісін айтпа, тиісін айт.
 
*** *** *** ***

Ит құтырса – иесін қабады.
 
*** *** *** ***

Бөрі арығын білдірмес,
Итке жүнін қампайтар.
 
*** *** *** ***

Қоянның қарамын көр де, қалжасынан түңіл.
 

*** *** *** ***

Ит бір сүрінсе, қырық сүрінеді.
 
*** *** *** ***

Жаман иттің атын «бөрібасар» қояды.
 
*** *** *** ***

Менменнің тобасы қабыл болмас.
 
*** *** *** ***

Елсіз көлге бақа айғыр,
Қатындарға жалшы айғыр.
 
*** *** *** ***

Асыққан жетпес, бұйырған кетпес
Ұры байымас, сұғанақ семірмес.
 
*** *** *** ***

Шегірткеден қорыққан егін екпес.
 
*** *** *** ***

Көңіл кірі айтса кетеді,
Көйлек кірі жуса кетеді.
 
*** *** *** ***

Аталы баланың аузы ойнайды,
Атасыз баланың көзі ойнайды
 
*** *** *** ***

Өзі екі етем десе, тәңірі бір дер.
 
*** *** *** ***

Таңдағы тамақ тәңірден,
Халықтан ұял, құдайдан қорық.
 
*** *** *** ***

Құл жиылып бас болмас,
Құм жиылып тас болмас.
 
*** *** *** ***

Көсеу ұзын болса, қолың күймес,
Ағайының көп болса, адам тимес.
 

*** *** *** ***

Барына разы бол, жоғына сабыр ет.
 
*** *** *** ***

Нағашымен күрессе, жиен жығылар.
 
*** *** *** ***

Құс жаман шажа,
Дос жаманы бажа.
 
*** *** *** ***

Келіншектің бетін кім бұрын ашса сол ыстық.
 
*** *** *** ***

Шақырусыз тойға барғанша,
Қазусыз көрге бар.
 
*** *** *** ***

Заманы бірдің амалы бір

*** *** *** ***

Жасы құрдас, құрдас емес,
Заманы бір құрдас.
 
*** *** *** ***

Мың «сіз-біз» ден
Бір шыж-мыж артық.
 
*** *** *** ***

Ұсынғанды мойынды алмас кеспес.
 
*** *** *** ***

Барым әзір, жоғым жай.
 
*** *** *** ***

Жаңылмас жақ болмас,
Сүрінбес тұяқ болмас.

Қажетті сілтемелер:

Тіл туралы мақал - мәтелдер

Сайттағы барлық мақал - мәтелдер

Өнер-білім, тіл туралы қанатты сөздер

Отбасы туралы мақал - мәтелдер

Достық туралы мақалдар

Достық туралы ұлағатты сөздер

Достық, татулық туралы мақал-мәтелдер

Сайттағы барлық мақал - мәтелдер

Ұлағатты сөздер

---

Әлеуметтік желілерде бөлісіңіз: