Қызға қырық үйден тыйым

— Әйелді табағынан байқа, баланы талабынан байқа.

— Қыз бақыты қырық құрақ.

— Әйелге ана, балаға дана деп қара.

— Қыз баланың қымбаты мен қимасы ұяты мен ибасы.

— Қызда қылық жоқ деме, момында былық жоқ деме.

— Әр әйелде болады мың сан қылық. Қылықтың ең жаманы жасандылық.

— Кербез қыз қартайғанын сезбейді.

— Жақсы әйелдің баласы да күтулі, жұмысы да бітулі.

— Әйелін сыйлаған, үйін сыйлаған, елін де сыйлай біледі.

— Аналар туып жатқанмен, даналар күнде келмейді.

— Жақсы болса алғаның үйіңнен кісі кетпейді. Жаман болса алғаның шын досың да шеттейді.

— Ердің жақсысы елімен ойласады, Әйелдің жақсысы ерімен ойласады.

— Жақсы келін құрдасыңдай болар, Жақсы ұлың сырласыңдай болар.

— Суды құмбөгейді, дауды қыз бөгейді.

— Ердің асылы күшімен білінеді, Әйелдің асылы ісімен білінеді.

— Білімді әйел басыңа қарайды, Білімсіз әйел жасыңа қарайды.

— Ай мінбей атыңды мақтама, Жыл тұрмай жарыңды мақтама.

— Әйел жерден шыққан жоқ, Ол да еркектің баласы.

— Ерлер көктен түскен жоқ, Әйел оның анасы.

— Жақсы әйел теңі жоқ жолдас, түбі жоқ сырлас.

— Асығу-баланың ісі, Аттандыру-ананың ісі.

— Бақ қонатын адамның ұлы текті, қызы көрікті.

— Ақылды туған қыз, батыр туған ұлмен тең.

---

Әлеуметтік желілерде бөлісіңіз: