Балалар жазғы демалыста қандай кітап оқығаны дұрыс

Оқу-ағарту министрлігінің Республикалық ғылыми-педагогикалық кітапханасы оқушылар жазғы демалыста оқуына болатын кітаптар тізімін ұсынады.

Бұл кітаптар оқушылардың жас ерекшеліктеріне қарай, 1-ден 11-сыныптарға бөлінген.

1-4-сынып оқушыларына жас шамасына қарай қысқа ертегілер, қызық аңыз-әңгімелер, батырлар туралы шығармалар ұсынылды:

— Қазақ халық ертегілері;

— Ыбырай Алтынсариннің "Қара батыр", "Қарақылпаш", "Алтын емен", "Жәнібек батыр" ертегілері;

— Лаймен Фрэнк Баумның "Сүйкімді қыз бен сиқыршы шал" ("Оз елінің сиқыршысы") ертегісі;

— Нил Гейманның "Коралинасы";

— Джордж Макдонльдтің "Қауырсын ханшайымы".

5-9-сынып оқушыларының ойлау әрекетін дамыту, сөздік қорын молайту, шығармашылық қабілетін дамыту, адамгершілік қасиетін қалыптастыруға бақытталған кітаптар тізімі жасалды:

— Абай Құнанбайұлының шығармалары;

— Мұхтар Әуезовтің "Көксерегі";

— Қазақ лиро-эпостық жырлары;

— Франсеск Миральес және Эктор Гарсианың "Игикайы" (жас саяхатшыларға арналған оқулық);

— Джером Дэвид Сэлинджердің "Жар жағалаған жалғыз" кітабы.

10-11-сынып оқушыларының рухани дүниесін байыту, эстетикалық талғамын жетілдіру, тұлға болып қалыптасуына ықпал ететін көркем әдебиеттер іріктелді:

— Мұхтар Әуезовтің "Абай жолы" романы;

— Әбдіжәміл Нұрпейісовтың "Қан мен тер" трилогиясы;

— Мұхтар Мағауиннің "Бір атаның балалары" шығармасы;

— Джек Лондонның "Ақ азуы";

— Мұхтар Шахановтың "Компьютербасты жарты адамдар" шығармасы.

Әлеуметтік желілерде бөлісіңіз: