Тіл туралы мақал-мәтелдер

Cіздердің назарларыңызға тіл өнері жайлы бір топ мақал-мәтелді ұсынғалы отырмыз.

Ана тілің алпыс тілге татиды.

Тіл мәртебесі – ел мәртебесі.

Тіл – ұлттың жаны.

Тіл – достықтың алтын көпірі.

Тіл – көңілдің кілті, көңілдің тілмәші.

Тіл – ойдың шындығы.

Тіл – ақылдың өлшемі.

Тіл – өлшеусіз қазына, өрісі кең әлем. Тілден тілдің кеңдігі болмағанымен, кемдігі жоқ.

Өз тілің – бірлік үшін, өзге тілің – тірлік үшін.

Тілін білгісі келмейтіндер – мәңгүрт.

Тілін білмеген түбін білмейді.

Тілі өлген ел – тірі өлген ел.

Халық үшін өзге тілде сөйлеу қауіпті емес, өзге тілде ойлау қауіпті.

Туған жер – тұғырың, туған тіл – Қыдырың.

Тіл тәтті, бауыр қатты.

Тіл қылыштан өткір.

Тіл сүйексіз болса да, сүйектен өтеді.

Тіл – тіліп түсер наркескен, сөз – өткір жебе тау тескен.

Тіл ерді қабірге салар, нарды қазанға салар.

Тіл қоса алар жер мен көктің арасын, тіл айырар анасының баласын.

Пілден тіл күшті, піл көтермегенді тіл көтереді.

Тілмен тікен де алады.

Аузы құлып сандықты тіс ашпаса, тіл ашады.

Тілмен байланған қолмен шешілмейді.

Тілде тиек жоқ, ауызда жиек жоқ.

Тілі екеудің ділі екеу.

Тіріде жанға тыным жоқ, қызыл тілде буын жоқ.

Тілге шешен, іске мешел.

Ашынғанның тілі ащы.

Ашынған тілді болар, ашыққан ұры болар.

Көнектей басыңа шүмектей тілің жау.

Тіс – тілдің қамалы.

Татуға – тіл, сұлуға – сұқ.

Тексіздік – тілсіздіктен.

Ең тәтті де – тіл, ең ащы да – тіл, ең жұмсақ та – тіл, ең қатты да – тіл.

Қу тіл – қоңылтақ етік.

Сөз қадірін білмеген – өз қадірін білмейді.

Құлаққа кірген суық сөз, көңіліңе барып мұз болар.

Ми ойлағанды тіл тындырады.

Тіл жүйрік емес, ой жүйрік.

Бал тамған тілден у да тамады.

Өткір тіл – дарын, ұзын тіл – жауың.

Кінәлінің тілі қысқа.

Он пәленің тоғызы – тілден.

Қотыр қолдан, пәле тілден жұғады.

Адам тілінен табады, сиыр мүйізінен табады.

Әдеп басы – тіл.

Айтсам, тілім күйеді, айтпасам, ділім күйеді.

Жақсы тауып айтар, жаман қауып айтар.

Жалақ кісі тілінен жазар, таз кісі қолынан табар.

Сыйларға асың болмаса, сипарға тілің болсын.

Бас кеспек болса да, тіл кеспек жоқ.

Ашуың келсе, қолыңды тарт, айтпас жерде тіліңді тарт.

Тіл – бұлбұл, сөз – бұлақ.

Тіл дәмдіні ұнатар, көз әрліні ұнатар.

Тіл қаруы – сөз.

Ер қазынасы – жүрген із, ел қазынасы – көне көз, тіл қазынасы – ескі сөз.

Қажетті сілтемелер:

Тіл туралы басқа да мақал - мәтелдер

Сайттағы барлық мақал - мәтелдер

Ұлағатты сөздер

Өнер-білім, тіл туралы қанатты сөздер