Нұралы ханның Сырымды қонаққа шақыруы

(І нұсқа)

Нұралы хан Сырымды қонаққа шақыру үшін өзінің екі уәзірін жібереді. Шақыра келген уәзірлерге Сырым екі сұрақ қойыпты:

— Көл құсқа бара ма, құс көлге бара ма? Қонақ ордаға бара ма, орда қонаққа бара ма?

Уәзірлер:

— Құс көлге барады, қонақ ордаға барады, — деп бір ауыздан жауап береді.

— Олай болса барыңыз, — деп қайырып жіберіпті.

Бірнеше күн өткеннен соң хан өзі келіпті наразылық білдіріпті келмегеніне және уәзірлеріне сұрақ қойғанына. Сонда Сырым:

— Сіз — құссыз, халық — көл,
Құссыз да халық күн көреді.
Халық — орда, сіз — қонақсыз,
Халық қонақсыз да күн көреді, —

депті. Нұралы тыңдап тұрып:

— Зордан да зор шыға алса, — депті. Сырым:

— Зордан да зор шығар және содан сенің көзің шығар, — депті. Осы ең ақырғы айтыстары екен.

Оқуға кеңес береміз:

Сырым батырдың шешендік сөздері

Сырымға анасының айтқаны (I нұсқа)

Байбақты Сырым батырдың әкесінің атын Дат деп қоюдың сыры?