“Қоршаған ортаны қорғау-әрбіріміздің міндетіміз”

Қоршаған орта туралы жиі айтылады, бірақ көп жағдайда біз оның маңыздылығын түсінбейміз. Қалада өмір сүргенде табиғаттың бүлінуін байқамай, оған бей-жай қарайтын боламыз. Бірақ қазір мен табиғаттың тазалығы мен қоршаған ортаның болашағы туралы ойланатын болдым. Әрбір ластанған орын, таза ауаның жетіспеушілігі, судың ластануы бізге тікелей әсер етеді.

Қоршаған ортаны қорғау тек үлкен ұйымдар мен билік орындарының ісі емес, бұл менің пікірімше, әркімнің міндеті.Бұл әрқайсымыздың жеке жауапкершілігіміз. Бәлкім, мен де бұрын оның маңыздылығын жеткілікті түсінбедім. Бірақ қазір табиғатқа деген жауапкершілікті өзімде сезінемін. Кішкентай қадамдардан бастаймын.Қоқысты дұрыс бөлу, суды және электр энергиясын үнемді пайдалану, сондай-ақ табиғатты қорғауға бағытталған басқа да қадамдар.

Өткенде, достарыммен табиғатқа шығып, таза ауада демалған кезде, ол жердің таза болуын қадағаладым. Ал сол жерді ластау — бізге ешқандай пайда әкелмейді. Күн сайын табиғаттың сұлулығын ластап, оны сақтап қалуды ұмытсақ, бір күні оның барлық құндылықтарын жоғалтып аламыз.

Мен үшін қоршаған ортаны қорғау — жай сөз емес. Бұл менің күнделікті өміріме қатысы бар. Өзгерістер бірден бола қоймайды, бірақ өзгерістер кішкентай қадамдардан басталады. Әрбір қадам — бұл болашақ үшін жасалған шағын қадам. Бұл мен үшін маңызды, және мен табиғатқа деген жауапкершілігімді сезінемін. Егер әрқайсымыз осы кішкентай қадамдардан бастасақ, болашақта әлеміміз таза әрі әдемі болады.