Қазақ журналистикасына қосар үлесім

Журналистика дегенде менің көз алдыма халықпен ашық сөйлесіп, нақты әрі түсінікті жеткізе білетін, ойын көркем тілмен жеткізетін адам елестейді. Журналист – тек жаңалық айтушы емес, ол халықтың жанайқайын жеткізетін маман. Бұл мамандық үлкен жауапкершілік пен батылдықты талап етеді.

Менің ойымша, әр журналист өз еліне қызмет етеді. Қазіргі таңда Қазақстанда тіл мен әдебиетке көңіл бөлініп, оқу орындар дамып жатыр. Бізге беріліп жатқан мүмкіндікті дұрыс пайдалану керек. Егер сен өзіңнен журналистикаға бейімділік байқасаң, оны жоғалтпай, дамытқаның дұрыс.

Неге дәл осы мамандық? Себебі біздің ата-бабамыз сөзге шешен болған, ал біз сол қасиетті бойымызда сақтап, әрі қарай жалғастыруымыз керек. Кейде жастар бұл қабілетін байқамай, басқа салаларға кетіп қалады. Ал егер біз жастайымыздан осы жолды таңдап, еңбек етсек, мықты журналист болуымыз әбден мүмкін.

Мен бұл тақырыпты тек айтып қоймай, жүрекпен сезінемін. Мысалы, ауылда су тапшылығы болса, үндемей отыра бермей, оны көтере білуіміз керек. Халықтың мәселесін айтып, шешім іздеуге көмектесу — нағыз журналистің міндеті.

Сондықтан мен журналист болуды армандаймын. Болашақта шындықты айтатын, әділдікті қорғайтын, елге пайдалы контент ұсынатын маман болғым келеді. Бұл – менің журналистикаға қосқым келетін үлесім.

Қорытындылай келе, Қазақ журналистикасы – тек ақпарат тарату емес, ол – елдің үні, халықтың жүрегі. Бұл салаға адал қызмет етіп, әділет пен шындықты ту еткен әр журналист қоғамға үлкен үлес қосады. Мен де болашақта осы жолда өз орнымды табуға, ел игілігі үшін еңбек етуге дайынмын. Себебі менің журналистикаға қосар үлесім – таза ниетпен, адал сөзбен, шынайы мазмұнмен елге қызмет ету.