Он алтыншы көк сөз (Таңдау)

 Бұл өмір қиындықтарға төтеп бере алмайтындар үшін арналмаған. Сен бұл өмірде болып, сүріп, жүріп, осы даналықты оқып, өзіңді дамытып отырғаның, сенің мықты екеніңді дәлелдейді. Кезінде миллиондаған бауырларыңнан суырылып шықтың, енді тағы азғантай ғана миллиардтан суырылып шыға аласың! Көбі байлықты армандайды, бірақ ешкім ол жолда еңбек еткісі келетіндер санаулы. Таңдаулар көп болғаны соншалықты адам өзіне не керектігін өзі де білмейді. Сондықтан да әр таңдауы тығырыққа әкеліп соқтырады. Сонда адам дұрыс таңдауды қалай жасайды? Өте оңай бастың және жүректің қалауымен, уақытпен бірлесе отырып дұрыс жағын таңдаса, ол шешім өзіне пәк пайданы береді! Шешім шығарғанда стратегиялық, өзің жеңетіндей жоспарлы болуы шарт. Таңдау қаншалықты қиын болса соншалықты ұзақтау ойлансаң, таңдауын соншалықты дұрыс болды! Сол үшін де әр ісіңнің ұсақ-түйегіне дейін мән беріп, жоспарлы түрде жүруің керек. Өзіңнің өміріңнің жауапкершілігін сезін. Керексіз уайымнан, әрекетсіз арманнан сақ болған жөн! Әр таңдау мүмкіндік! Сондай үлкен мүмкіндік! Барлық таңдау жетістік, сондай қымбат жетістік! Өз өмірімді жақсы жаққа дұрыстаймын деп, өзіңе сен! Себебі: бұл сенің өмірің, сенің таңдауың! Бақытта, бақытсыздықта сенің таңдауың! Қандай арманның ізінде жүргеніңді алдымен біл! Болды енді мен жетістікке жетемін деп ертеңіне бітетін мотивацияңа берілме, әр күніңді дисциплина болмаса, ол да алысқа бармайды, жақсы ісіңді Құдайдың құтты күні жаса. Жетістікке талантты, ақылды не жолы болғандар жетпейді, әрекет еткен жетет, күмәнін жеңген жетеді. Жетістікке жету оңай дейсің бе, бір күнде келетін жетістік мыңдаған ауыр күндерден құралады. Сеннен ешкім артық емес сеннен ешкім кем емес, бәріміз бірдейміз деген бос сөз де, бос сөз емес те. Бәріміз бірдей санамен жаратылдық, ал одан кейін бәрі өзімізге байланысты. Басқаларға берілген таңдау саған да берілгенін ескерген жөн! Қателік жасасаң өмірді жаңа парақтан бастау оңай, қиыны жазуды өзгерту, жазуды алдыңғы парақпен бірдей не кем түссе, сенің өзің құлап жатқаныңды білдіреді, парақтарда жазған, жыртқан сайын бітетінін ұмытпа! Бір ақылды адам айтқан "Мықты жақсы жағдайға мұқтаж емес, керісінше әлсіз жерді мықтыға айналдырады" деп. Ешқашан басқа біреу өзгереді деп үміттенбе. Өзгеріс ең алдымен өзіңнен басталуы керек. Сені дамытады деп өзгеге сен бе! Өзгелер сенің емес, өзінің дамуын қалайды. Сенің қалауыңдай үмітіңді ақтамағанына адамдарға өкпелеме, өзіңе өкпеле олардан көп үміт күткеніңе! Бәрі ойдағыдай болғанын қаласаң, өзің жаса. Қазақ айтқан "Біреуді жұмсасаң, ізінен өзің жүресің!" деп, сондықтан өзің жаса, өзіңе сен, сенің өмірің сеннен басқа ешкімге керек емес. Сенің қиналғаныңа өзгелердің ештеңесі кетпейді, тек сенің өміріңді құртады. Өзіңе зиян келтірсең, адал істен бас тартсаң, өзгелер қуанады, себебі: бір қарсылас кем болды. Мен де бәрін байқап жүрмін, бірақ дым демеймін! Шындықты біле тұра үндемеймін. Олар түсінбейді, осындай сабырлы болу үшін неден өткенімді. Барлық өткерген сәттер, өткенде қалды, еді алға қадам басып болашақты түзеу үшін бүгіннен бастау керек! Адам өзін күніне бір пайыз болсын басып озғанда ғана өмір сүре бастайды. Өзіңізді жақсы көруді үйрен, сонда бәрі орнына келеді. Көбі қалай мықты болу керектігін білмейді. Расында әлсіздермен ойнау арқылы шын мықты болу мүмкін емес! Балшыққа түскен гауһар әлі бағалы тас, аспанға көтерілген шаң, тозаң болып қала береді. Иә, қазір мен де шаршадым, бірақ жеңіп шыққанда қалай демалатынымды ойласам, одан әрмен қарай жасай бергім келеді. Қазір өмірде кездесіп жатқан сынақтар, сені болашақта мықты қылатынын ұмытпай тек алға ұмтыл! Жүре біткен қайтпас, қайсар мінез бойыңды билесін! Еш уайымдама, бар қиындықты жүрекке сала берме! "Жеті рет құласаң, сегіз рет тұруға дайын бол!". Бірақ сәт, бірақ тәжірибе, өмірдің өзі бітпейтін сынақ пен оқу, бірақ ол сені шынайы мықты қылады, ал әлсіздер бірден сынады. Білесің бе? Сен құласаң дұрыс жолдасың, себебі: тәуекелге бармаған адам ғана сүрінбейді. Асыл көптігін де күн ұзақ, жаман көптігін де түн тұзақ. Өмірдің ләзатын жасап жатқан ісіңде сез де. Сол бақытыңа кедергі болатын нәрсе қате таңдау болғандықтан, дұрыс жолды таңдап, тура жолмен жүр. Бақыт тегін нәрсе емес, оған қол жеткізу үшін күресу керек. Өмір – күрес, ал сен – күрескерсің. Бақыт бұл сенің кешеден бүгінге дейін жалғасып келген істерің мен таңдауларыңның арқасы! Бәлкім оған қайшы болса, ертеңгі бақытың бүгінгі таңдауың екенін ұмытпа. Бақытты іздеме, жақсы пиғылыңды көріп, бақыт өзі-ақ келеді. Жаман ісіңді көрсе, дұрыс таңдауыңды күтеді. Бірақ ол да соңғы жұма күні бітеді де таңдаған таңдауың, сен үшін таңдау, таңдайды екенін ескертұғын! Сол кезде барлық әділетсіздік түзеледі! Еш ісің болмаса қолың тыныш, бірақта ол сені еш жетістікке алып келмейді. Тек бірінші қадамнан қорықпай, жауапкершілікпен істі атқарсаң уақыт өте әр жақсы ісің өз нәтижесін береді. Ештеңеден саспа, ештеңеден қорықпа, жасау керек адал нәрсені жаса! Шимайланған жіптерді басында шешіп алмасаң, уақыт өте келе одан сайын шимайланып кесуге тура келеді.