Балалық шағым өткен қалам - Атырау

Балалық шағым өткен қалам - Атырау
Әр адамның өмірінде ерекше орын алатын
екі қала болуы мүмкін: бірі - туған жері,
екіншісі - өскен ортасы. Мен үшін туған
қалам - Алматы болса, балалық шағым
өткен, мінезім қалыптасқан, алғашқы
естеліктерім сақталған мекен - Атырау.
Журналистика факультетінің 1 курс студенті
ретінде бүгінде жаңа ортада жүрсем де,
Атырауда өткен күндерім әрдайым ойымда
жаңғырып тұрады.
Атырау мен үшін тек картаның бір нүктесі
емес, менің бала қиялымды тербеткен,
алғашқы қуаныш пен ашық сезімдерді
сыйлаған қала. Жайықтың үстін бөле өткен
самал жел, кешкісін өзен бойын жарыққа
бөлейтін шамдар - бәрі де менің есімде
ерекше сурет болып қалған. Мектепке бара
жатқанда жағалаудағы құстардың дауысын
тыңдап, базар жақтан естілетін әдеттегі
қарбаласқа үйреніп өстік. Достармен өзен
жағасында тас лақтырып ойнаған сәттер,
жаздың аптап күнінде қаланың ерекше
тынысын сезіну - бәрі менің жүрегімде жылы
естелікке айналды. Атырау маған
еңбекқорлықты, кеңдікті және адамдардың
шынайылығын үйретті.
Қазір Алматыда білім алып, жаңа өмір
бастасам да, Атырауда өткен балалық
шағым менің өмірімдегі маңызды тарау
болып қала береді. Сол қаладағы көріністер,
адамдар, күнделікті тіршілік журналист болу
арманымды нығайтып, өмірге басқа
қырынан қарауды үйретті. Туған жерім
Алматы болса да, Атырау мені өсірген, мені
тұлға еткен қала ретінде жүрегімнің ең
жылы түкпірінде сақталады.

Әл-Фараби атындағы Қазақ Ұлттық Университетінің 1 курс студенті:Муратали Ардақ
Ғылым жетекшісі фил.ғ.к.,доцент:Р.С.Жақсылықбаева