Кіру Тіркелу
Қазақша өлеңдер

Батырханова Назерке Ертайқызы
Батырханова Назерке Ертайқызы

Неге мұхит суы тұзды болады?

Мұхит суының тұзды болуы – Жердегі табиғи геологиялық және химиялық процестердің ұзақ уақыт бойы үздіксіз жүруінің нәтижесі. Бұл құбылыстың негізгі себебі – тау жыныстарының үгілуі мен еріген минералдардың мұхиттарға жиналуы. 
  Жаңбыр суы атмосферадағы көмірқышқыл газымен әрекеттесіп, әлсіз қышқылдық қасиетке ие болады. Осындай су жер бетіне түскенде тау жыныстарын баяу ерітіп, олардың құрамындағы түрлі минералдарды, әсіресе натрий мен хлор иондарын өзімен бірге алып кетеді. Бұл минералдар өзендер мен жер асты сулары арқылы теңіздер мен мұхиттарға жеткізіледі. Ғалымдардың есептеуінше, өзендер жыл сайын мұхиттарға шамамен 4 миллиард тоннаға жуық еріген тұзды заттарды тасымалдайды. Мұхиттағы тұздың жиналуына булану процесі де үлкен әсер етеді. Күннің жылуынан мұхит суы үнемі буланып отырады, бірақ буланған кезде тек таза су буға айналады да, еріген тұздар суда қалып қояды. Соның нәтижесінде уақыт өткен сайын тұздың концентрациясы арта береді. Сонымен қатар, мұхит түбіндегі жанартаулар мен гидротермалдық көздер де түрлі минералдарды суға қосып, оның тұздылығын арттыра түседі.
  Қазіргі кезде мұхит суының орташа тұздылығы шамамен 35 промилле, яғни бір литр суда орта есеппен 35 грамм тұз бар. Бұл көрсеткіш миллиондаған жылдар бойы жинақталған табиғи процестердің нәтижесі болып табылады.

Су тұз
WhatsApp Telegram

Пікірлер (0)

Пікір қалдырыңыз

Басқа да жазбалар

Нақыл сөздер