Эссе және өлең-жыр байқауы

Шет тілін меңгерем дегендерге 10 кеңес

Тіл үйренудің, өзіміз ойлап тауып алған қиындықтардан басқа еш қиындығы жоқ. Като Ломб - ең алғашқы синхронды аудармашылардың бірі, ол 16 тіл білген. Төменде Като Ломбтың шет тілін үйренгісі келетіндерге қысқа әрі нұсқа кеңестерін келтірдік.

Шет тілін үйрену

1. Жаңа тіл үйрену үшін ол тілмен күнде айналысу керек. Әсіресе таңертеңгі уақыттар пайдалырақ болады. Уақыт жетпей жатса, тіпті 10-15 минут бөліп, бірнәрсе оқу керек немесе өткен сөздерді қайталау керек.

2. Тіл үйренуге деген құлшыныс тез бәсеңсіп қала беретін болса, өз-өзіңізді жалықтырмайтын бір тәсіл ойлап табыңыз. Мысалы үйреніп жатқан тіліңізде музыка тыңдаңыз, фильм қараңыз, кішкене демалып серуендеп қайтыңыз, содан кейін әрі жалғастырыңыз. Бірақ, ешқашан тастап кетпеңіз.

3. Сөздерді бір-бірлеп жаттамаңыз. Мәтіндеп, яғни сөйлемдеп жаттауға тырысыңыз. Мысалы «strong wind», бір сөзді есіңізге түсіргенде екінші сөз өзі автоматты түрде келеді.

4. Сөйлемдерді жазып жүрудің, және оларды көп қолдануға тырысудың пайдасы зор.

5. Көрген нәрсеңіздің барлығын іштей аударып жүріңіз. Мысалы көшедегі жарнамалардың мәтіндерін, өлеңдердің сөздерін, газет мақалаларының тақырыптарын т.б. Бұл миды жаттықтырады, жатталған сөздер қолданыс таба бастайды.

Тіл меңгеру

6. Кішкентай мәтіндерді, диалогтарды жаттап алу пайдалы. Бірақ жаттаған мәтіннің дұрыс, яғни қатесіз жазылғанына көз жеткізіңіз.

7. Қолданыстағы фразеологиялар мен сөз тіркестерін де міндетті түрде жазып алып, жаттап алу керек. 

8. Шет тілін оқшауда үйрену өте қиын. Тіл үйрену үшін барлық тәсілдерді қолдану керек. Үйреніп жатқан тіліңізде фильм көріңіз, кітап оқыңыз, сол тілдегі басылымдарды, интернет ресурстарды оқып тұрыңыз немесе сол тілде сөйлейтін адамдармен тілдесіңіз.

9. Қателіктен қорықпаңыз, түзетілмеген қателіктен қорқыңыз. Ешнәрсені тексерусіз қалдырмаңыз, үйренген нәрсеңіздің дұрыс екендігіне жақсылап көз жеткізіңіз.

10. Сіз бұл тілді үйреніп алатыныңызға кәміл сеніңіз. Сонда сан сапаға ауысып, үйреніп жатқан тіліңізде белгілі бір дәрежеге жетесіз.


Әлеуметтік желілерде бөлісіңіз:

Пікірлер (5)

erbo_85

Колдаймын

Санат

Кеңестеріңізге рахмет

Shattyk

good

гулдана

Керемет кеңестер

Бекмырза

Кеңестеріңіз шынымен пайдалы, рахмет! Мен де бір кеңеспен бөлісейін. Үйреніп жүрген тілде радио, кино көрген де өте пайдалы. Мысалы телефонға радио жүктеп алып американың бір ғылыми немесе саяси радиосын жұмысқа бара жатқанда немесе кез келген бос уақытта тыңдау керек екен. Түсіну маңызды емес, маңыздысы сол тілде әңгіме есту. Кейіннен сөздерді, одан кейін сөйлемдерді түсіне бастайсыз. Кейін тіпті диалекті де ажырататын боласыз. Пайдаланып көріңіздер.

Пікір қалдырыңыз

Басқа сайттағы жаңалықтар:

Жүктелуде...

Пікірлер