Өтірікшіге сенуге болмайды

Бір күні қарға құстарды өзіне қонаққа шақырды:

– Өзім қарсы аламын, ұям толы ет, бауырсақ, тәтті-дәмділер.

Құстар қарғаның ұясына ұшып келсе, тәтті-дәмді түгіл, қарғаның өзі де ұясында жоқ болып шықты. Құстар қарғаның өздерін алдағанын түсінді. Қатты ренжіген олар үйлеріне қарай ұшып кетті.

Келесі жолы қарға оларды қайтадан қонаққа шақырды:

– Құрметті достарым, ертең менің балапанымның туған күні. Қонаққа келіңдер, күтеміз, – деді.

Бірақ ертеңінде бірде-бір құс ұшып келмеді. Қарға күні бойы оларды босқа күтті.

«Олар неге келмеді? Неге маған ренжіді? Ана жолы алдағаным үшін ренжіген болар деп», – ойлады қарға. «Өтірікшінің сөзіне сенуге болмайды» деп бекер айтпайды ғой.