Экология – ортақ жауапкершілік

Қазіргі кезде экологиялық мәселелер бүкіл әлемді алаңдатып отыр. Кейбір өзен-көлдердің ластануы, ормандардың азаюы және ауаның сапасының төмендеуі адамдардың денсаулығына да кері әсерін тигізуде. Мұндай жағдайлар табиғатқа ұқыпсыз қараудың салдары деп есептеймін. Егер біз бүгін табиғатты қорғамасақ, болашақ ұрпаққа таза орта қалдыру қиын болады.Экологияны сақтау үлкен істерден ғана басталмайды. Әр адам күнделікті өмірінде қарапайым ережелерді сақтай алады. Мысалы, қоқысты арнайы орынға тастау, суды босқа ағызбау, ағаш отырғызу немесе табиғат аясында демалғаннан кейін өзіңнен кейінгі орынды таза қалдыру – табиғатты қорғаудың қарапайым жолдары. Осындай кішігірім әрекеттердің өзі үлкен нәтижеге жеткізеді.Қазіргі жастардың табиғатқа деген көзқарасы өзгеріп келе жатқаны қуантады. Көптеген еріктілер сенбілікке қатысып, ағаш отырғызып, қоршаған ортаны тазалауға атсалысады. Әлеуметтік желілерде де экология тақырыбы жиі қозғалып, адамдарды табиғатты аялауға шақыратын жобалар көбейіп келеді. Бұл – жақсы үрдіс.Менің ойымша, табиғатты қорғау әр адамның тәрбиесінен басталады. Егер бала кезден қоршаған ортаға жанашырлықпен қарауды үйренсек, болашақта экологиялық мәселелер де азаяр еді. Табиғат бізге қажет болғандықтан емес, біз табиғатқа тәуелді болғандықтан оны қорғауымыз керек.Қорытындылай келе, экология – бүкіл адамзатқа ортақ мәселе. Табиғатты қорғау арқылы біз өзіміздің және келешек ұрпақтың болашағын қорғаймыз. Сондықтан әр адам табиғатқа жауапкершілікпен қарап, оны аялауға үлес қосуы тиіс.