"Сынып дарабозы" Сыныптан тыс жұмыс

Оңтүстік Қазақстан облысы

 Мақтарал ауданы Игілік ауылы 

«Т.Аубакиров атындағы жалпы орта мектеп» коммуналдық мемлекеттік мекемесінің

бастауыш сынып мұғалімі

Полатова Айгуль Жамантаевна

 

Сабақтың түрі: Сыныптан тыс жұмыс

Сыныбы: 2 «Ә»

Тақырыбы:СЫНЫП ДАРАБОЗЫ

Мақсаты: оқушылардың білім, білік дағдыларын байқау, өздерін еркін ұстай білуге үйрету, шапшаң ойлау қабілеттерін дамыту.

Ресурстар: интербелсенді тақта

Барысы:

 Сәлем, достар, аман ба?

Мына бейбіт заманда.

Қуантамын бәріңді,

Білімдіден қалам ба?

Құрметті оқушылар, ұстаздар. Бүгін сіздер белсенді оқушылар арасында өтетін «Сынып дарабозы» атты сайыстың куәгері болғалы отырсыздар. Сайымызды бастамас бұрын білім сайысына құлшынып тұрған оқушыларымызды ортаға шақырайық. 12 сайыскер қатысады. (Қатысушылар ортаға шығады)

Өнер менен білімде

Әркімнің өз жолы бар.

Сайысарлық бүгінде

Өзіндік менің үнім бар-дегендей білімпаз жастар өздерін таныстырсын. (қатысушылар өздері туралы айтады)

Шын жүйріктер сыналады жарыста

Әділқазы бағалайды сіздерді –деп қазылар алқасымен таныстырайық. (Қазылар алқасымен таныстыру)

Сайыс 6 бөлімнен тұрады.

I бөлім. «Жүйріктер»

 II бөлім «Өлең сөздің патшасы»

III бөлім «Кім шапшаң?»

IV бөлім «Әріптер сыр шертеді»

V бөлім «Тамаша төрттік»

VI бөлім «Жеңімпаз»

Әр бөлімнен соң ұпайы ең төмен 2 оқушы ойыннан шығып отырады.

Ендеше, сайысымызды бастайық. Сайыскерлерге сәттілік тілейік.

Шақырамыз, келіңдер жарысуға,

Күш, өнер, біліммен алысуға.

Бар өнерді  салайық ортамызға,

Қанеки, кім озады бұл сайыста?!–деп I  «Жүйріктерді»  бөлімін бастаймыз.  Бұл бөлімде сұрақтар қойылады. Сұраққа қол көтеріп жауап беру керек. Қол көтеріп жауап бермесе жауап қабылданбайды. Әр бір дұрыс жауап 10 ұпайды білдіреді.

1Әліппенің атасы кім?

2. Ғылым таппай мақтанба өлеңінің авторы кім?

3. 1 дм-де неше см бар?

4.Табиғат нешеге бөлінеді?

5. Зат есім деген не?

6.Үш биді атап бер.

7.Тік төртбұрыштың периметрін қалай табамыз?

8. Еліміздің рәміздерін ата

9. Мен қызық кітап оқыдым сөйлеміндегі зат есімді тап

10. Дауыссыз дыбы нешеге бөлінеді?

11.Жылт-жылт еткен,

Жылғадан өткен. Бұл не?

12. Ы.Алтынсарин қандай өлең жазған?

13.Еліміздің астанасы қай қала?

14. Қазақстан Республикасының Туының авторы кім?

15.20+30=50 қосындысындағы 30 саны қалай аталады?

16. Сынық сызықтың ұзындығын қалай табамыз?

17.Жалқы есім деген не?

18. Тәуелсіздік күні қай күн?

19.7 атаны атап бер.

20. 8 наурыз –қандай мереке?

21.Жануарлар тобын ата

22. Ауаның қасиеттері

23.Мәтіннің қандай түрлері бар?

24. Диалог дегеніміз не?

(Қазылар алқасы ұпай санын есептейді. Ұпайы ең төмен 2 оқушы ойыннан шығады.)

Білім «аққан сел» дейді,

Бірақ оңай келмейді.

Ала білсең «Білім көп,

Ақыл-ойға кен» дейді –деп II «Өлең сөздің патшасы» бөлімін бастаймыз. Бұл бөлімде өлеңді мәнерлеп жатқа айтады. Міндетті түрде өлеңнің авторын, тақырыбын айту керек. 10 ұпаймен бағалайды  (Қазылар алқасы ұпай санын есептейді)

Шапшаңдығын байқайық,

Кімнің ойы мықты екен?!

Кімнің күші аздау боп,

Кім озып алға шағар екен?!-деп III бөлім «Кім шапшаң?» бастаймыз.  БАС сөзінің кез келген бір әрпін өзгертіп, жаңа сөз жасау. 2 минут уақыт беріледі. Әр бір сөз 10 ұпайды білдіреді. (Қазылар алқасы ұпай санын есептейді. Ұпайы ең төмен 2 оқушы ойыннан шығады.)

Білім деген биік шың,

Бақытқа сені жеткізер.

Білім деген ақылшың,

Қиындықтан өткізер.-деп  IV бөлім «Әріптер сыр шертеді»  бөлімін бастаймыз. Алфавиттен кез келген бір әріпті таңдап, сол әріптен басталатын сөз жазу. Әр бір сөз 10 ұпаймен бағаланады. (Қазылар алқасы ұпай санын есептейді. Ұпайы ең төмен 2 оқушы ойыннан шығады.))

 Қиындықтан сірә да біз қашпаймыз,

Алғырлық пен тапқырлықты ұштаймыз.

Қиялдарға самғап ұшқан құстаймыз,

Шегінбейміз, жеңістерге бастаймыз.-деп

 V «Тамаша төрттікті»  бастаймыз.Тақтада 1-ден 4-ке дейін сандардың біреуін таңдайды.Сол санның астында әр пәндер жазылып тұрады.(қазақ тілі, әдебиеттік оқу, математика, дүниетану) Пән бойынша 10 сұраққа жауап береді. Дұрыс жауап 10 ұпаймен бағаланады.

Қазақ тілі:

1. Жуан дауысты дыбыстарды ата
2. Жіңіңшке дауысты дыбыстарды ата
3. Сұраулы сөйлем деген не?
4. Түбір деген не?
5. Қосымша деген не?
6. Жұрнақ деген не?
7. Жалғау деген не?
8. Адамға қатысты сөздерге қандай сұрақтар қойылады?
9. Жалпы есім деген не?
10. Затесімнің жекеше, көпше түрін атап бер

 

Әдебиеттік оқу:

1. Кел, балалар ,оқылық өлеңінің бір шумағын жатқа айтып бер.
2. Кітап туралы мақал-мәтел айт.
3. Ж.Аймауытов кім туралы әңгіме жазған? (Қартқожа)
4. А.Құнанбаев кім?
5. А.Құнанбаевтың «Күз» өлеңінің бір шумағын жатқа айт.
6. «Уф» десе, ұшасы,

«Суф»десе қонасың-деген жолдар неге байланысты айтылған?

1. Абайдың 5 асылын айт.
2. Абайдың 5дұшпанын айт.
3. Ертегілер түрлерін ата
4. Төрт түліктерді ата

Математика :

1. 1 сағатта неше минут бар?
2. 40+37= қосындының мәнін тап
3. 1 ғасырда неше жыл бар?
4.  Суретте неше үшбұрыш бар?

     5.Шаршы деп қандай фигураны айтамыз?

     6.87-80=7 айырмаындағы 80саны қалай аталады?

     7.7онд.9бірл. қандай сан?

     8.Толық ондықтарды ата

     9.1сағ. 20 минутта қанша минут бар?

     10.2 тәулікте неше сағат бар?

Дүниетану:

1. Тірі табиғатқа не жатады?
2. Өлі табиғатқа не жатады?
3. Тірі табиғатқа не қажет?
4. Дүниеде неше тұс бар? Атап бер.
5. Судың қасиеттерін ата.
6. Өсімдік нешеге бөлінеді? Атап бер.
7. Шырынды жемістерді ата.
8. Елтаңбаның авторын ата.
9. Бунақденелілерге не жатады?
10. Қазақстан жер көлемі жағынан нешінші орын алады?

(Қазылар алқасы ұпай санын есептейді . Ұпайы ең төмен 2 оқушы ойыннан шығады.) )

 Жарыс заңы ежелден-

Жеңімпазды анықтау.

Жеңімпаз болу шарты сол-

Еңбектену, жалықпау-деп VI «Жеңімпаз» бөлімін бастаймыз.  

1.Математикалық өлең-есептер. 10 ұпаймен бағаланады.

Су құйып ем астауға,                               

Үш қаз ұшты аспанға.       

Үш қасқалдақ, бір қазан                    

Екі үйрек, бір сазан.            

Қосылды кеп бұларға                                                                                                                          

Бір көксерке,бір қарға,                                                                                                  

Айт,неше құс ұшып жүр?    (9 құс)

 

11 түйе,бес жылқы.                                                                                                                 

 2 сиыр,бір ешкі                                                                                                                 

2 қоян,үш түлкі, 

 Болды сонда нешеуі?  (24)

2.Берілген сөзден кез-келген бір-бір буын алып, сөз құрау. 10 ұпаймен бағаланады.

АҚТӨС                                                   ҚОРА

ҚАП-ҚАРА                                            ШАНА

АЛАТАУ   (Шешуі: аққала)                 ТЫШҚАН    (шешуі: қошақан)

Сайыс жеңімпазын анықтау. Қазыларға сөз беру.

Осымен бүгінгі сайыс өз мәресіне жетті. Қатысып көңіл бөлгендеріңіз үшін көп-көп рахмет.

«Сынып дарабозы» сайысында «Бас жүлде» алған Пирназар Нұрсұлу

 

---