Тау

Шолақсор орта мектебінің

Бастауыш сынып мұғалімі

Кожанова Алмагуль Аюповна

 

Сабақтың тақырыбы: Тау

Сабақтың мақсаты: 

1. Білімділік. Оқушы таулар туралы түсініктерін қалыптастырады. Қазақстан  аумағындағы таулармен танысады.                          
2. Дамытушылық. Оқушы картамен жұмыс жасайды, бақылау жасайды, жинақтайды, саралайды, қорытындылау  дағдысын дамытады.
3. Тәрбиелік. Окушы еліне, жеріне деген мақтанышты сезінеді.                                                                           

Сабақтың түрі: Жаңа сабақты меңгерту.

Сабақтың әдісі: Зерттеушілік әдіс.

Сабақтың типі: сұрақ-жауап, пікірталас.

Сабақтың көрнекілігі: физикалық карта, оқулық, интербелсенді тақта.

Пәнаралық байланыс: әдебиет, география, экология.

Сабақтың барысы:

I Ұйымдастыру кезеңі.

II Үй тапсырмасын тексеру.

• Төбелер қалай пайда болады?
• Төбенің бөліктерін атаңдар.
• Төбені қандай жануарлар мекендейді?
• Ежелгі қоныстар мен елді мекендердің орнына пайда болған төбелерді атаңдар.

Жаңа сабақ.

• Оқушылардың қызығушылығын ояту үшін тақтаға сандар жазылған  қағаз ілу. Сандарды ретімен қою арқылы сабақтың тақырыбын хабарлау.

                  Т    А    У

                  1    25   26

• Өте жақсы енді берілген тапсырма бойынша тау туралы қандай өлеңдер білесіңдер? Соны оқи қойыңдар.

(Балалар өлеңдерін оқиды)

М. Әлімбаевтың «Туған жерім – тамаша!» өлеңін оқыту.

О, алақай туған жер!

Жақсы-ау орман-бауларың!

Көзге ыстық көрінер

Сенің асқар тауларың!

Сенің асқар тауларың!

Пікірталас.

• Әрбір елін, жерін сүйетін азамат «Туған жерім тамаша!» деп тебіреніспен айтады. Осыған өз пікірлеріңді білдіріңдер.

(Оқушылардың пікірі тыңдалады.)

• Енді барлығымыз тақтаға қарайық. Тауларды ажырата аласыңдар ма?
• Қандай таулар білесіңдер? Қандай биік тауларды білесіңдер?
• Тянь-Шань, Жоңғар Алатауы, Алтай болып үш топқа бөлінеміз.

Картамен жұмыс.

• Бүгін еліміздің түпкір-түпкіріне саяхатқа шығамыз. Еліміздің шығыстан батысқа дейінгі, солтүстіктен оңтүстікке дейінгі жеріне саяхаттаймыз. Жеріміздің бедері қандай екенін физикалық картадан көреміз.
• Тау картада қандай түспен белгіленеді?
• Дұрыс, қою қоңыр түспен белгіленеді.
• Таудың қандай түрлерін білесің?
• Биік, аласа.
• Олай болса таулар мен төбелерді салыстырып көрейік.

Зерттеу жұмысы.

Оқушылар энциклопедия және басқа да басылымдардан тау туралы оқығандарын айтады.

• Таулар – жер бетінің өте биік жерлерін атайды. Таулардың арасын аңғарлар бөліп жатады. Олардың кейбіреулері тар әрі терең. Олар-шатқалдар.
• Қазақстанда таулар көп. (Тауларды атайды)

 Мақал-мәтелмен жұмыс.

- Тауына қарай тоғайы,

  Шошқасына қарай торайы.

- Тау кезеңсіз болмас,

  Өлке өзенсіз болмас.

- Көлдің көркі құрақ

  Таудың көркі бұлақ. Т.б.

• Мақалдардың мағынасын ашу.
• Ал, балалар, тау дегенде алдарыңа не елестейді?

• Жақсы. Қандай жанурлардың түрлері, құстардың түрлері, өсімдіктің түрлерін кездестіруге болады?
• Дәптермен жұмыс. Түрлерін дәптерге жазу, оқу.
• Орман алқаптарында: май қарағай, бал қарағай, шырша, самырсын.
• Жануарлары: аю, қабан, бұғы, таутеке, қар барысы мекендейді.
• Құстары: бүркіт, үкі , жапалақ,құр, шіл,тоқылдақ

Топпен жұмыс.

• Алдарыңда сұрақтар берілген соның дұрыс жауабын табу керек.

Ребусты шешіңдер:

Жауабы: ............................

Жауабы туралы білетіндерін сұрау.

Қорытынды: - Оқушылардың білімін минитест арқылы жүйелеу. Ауызша толықтыру.

Бағалау: Оқушылар орындаған тапсырмалары бойынша бағалайды.

Үйге тапсырма: Тау жыныстарының бұзылуы туралы мәлімет жинап келу.

---