Мен қазақпын мың өліп мың тірілген

Ашық тәрбие сағаты: Тәуелсіздікке –25 жыл, «Мен қазақпын, мың өліп, мың тірілген…»
Тақырыбы:   «Мен қазақпын, мың өліп,  мың тірілген… »
І жүргізуші:
Атыңнан айналайын егемен ел,
Тәуелсіз күнің бүгін кенеле бер,
Мейрамың құтты болсын, тәуелсіздік!
Ғасырдың тойы болшы келе берер.
 
ІІжүргізуші:
Тәуелсіздік.
Тәуелсізбін  мен бүгін,
Келді, міне азаттығым, теңдігім.
Бостандықта байлығым мен ендігім,
Шешіл енді шемен болған шерлі үнім!
Өзіңдікі -Елің де,
Өзіңдікі – Жерің де
Өзіңдікі өзің еткен Бақ- Тәуелсіздік төріңде!
Қанатыңнан қайрылып,
Қыр -арқаңнан айрылып
Қонақ-
Тәуелсіздіктен,
Қала көрме айрылып!
 
Мұғалім:         
Мен – қазақпын, мың өліп, мың тірілген…
Ж. Молдағалиевтің  осы өлең жолдары қазақ деген дана халықтың бүкіл болмысы мен өмір жолын айғақтап
бергендей: ақтабан шұбырынды, алқакөл сұлама, 30-жылдардағы ашаршылық, 37- жылдардағы нәубет,
1941-1945 жылдардағы Ұлы Отан Соғысы, желтоқсан көтерілісі:
Тәуелсіздіктің құны міне осындай…
 
І жүргізуші:Армысыздар
қадірлі қонақтар, ата-аналар, ұстаздар мен оқушылар!
Биыл 2011 жылы дүниені дүр сілкіндірген желтоқсан көтерілісіне 30 жыл болды.
Ал, егеменді еліміздің Тәуелсіздігін алғанына  25 жыл толған мерейлі тойына арналған «МЕН –
ҚАЗАҚПЫН, МЫҢ ӨЛІП, МЫҢ ТІРІЛГЕН…»  атты әдеби кешімізді бастауға рұқсат етіңіздер.
 
Аружан:Шарықта, шарла көкті көк байрағым,
Арманым,  Азаттығым, көпке айғағым.
Мен сенің салтанатты сағатыңа
Өлеңмен алтын шашақ шоқ байладым.
Ал самға, әлем кезіп, Әнұраным
Қалықта Елтаңбасы- шаңырағым.
 
 «Әнұран»  
 
Раушан: Шаттық нұры шашылып зеңбірекен
Шуағын күн төгедң енді көктен
Шылбыр үзді даланың арғымағы
Тәуелсіздік жалауын желбіреткен
Дүбір қосып өзіңдей сәйгүлікке
Ақ боз аттың алдынан жанды үмітте
Ту ғып ұстап аңсаған азаттықты.
Қазақстан бет алды мәңгілікке
Айгүл:
Атыңнан айналайын егемен ел,
Тәуелсіхз күнің туды кенелер бер,
Мерейің құтты болсын Қазақстан!
Ғасырллар тойы болшы келе бер
Мерекең құтты болсын егемен ел
Терезең барлық елмен тең ерен ел
Бабалар мәңгі бақи арман еткен
Теңдікті бостандықты иеленгендеп.

Ән:Раушан «Мен қазақпаын!»  
ІІ жүргізуші:
Бостандық! –деп аталатын асқақ арман жолында  қаншама қан төгілді,
қаншама батыр мерт болды. Бұл арпалыс бір күн, бір жыл,  бір мезет емес, талай ғасырларға созылған.
Осы  арпалысты жай тілмен тарих дейді. Ендеше тарих беттеріне тағы  бір зер салайық.
 
 І-жүргізуші: Қазақ халқы азаттық үшін талай қиындықты бастан
кешірді. Бірақ ешқашан мойымады, күресе білді. Азаттық таңы туатынына кәміл
сенді. Енді осы кейбір тарихи оқиғаларды еске түсіріп өтейік.
 
ІІ ж:   1723-1725 жылдар Ақтабан шұбырынды.
І ж:   1836-1838 жылдар Ішкі Бөкей ордасындағы көтеріліс.
ІІ ж:    1837-1847 жылдар Кенесары Қасымұлы бастаған ұлт-азаттық көтеріліс.
І ж:    1916 жылы Амангелді Иманов бастаған ұлт-азаттық көтеріліс.
ІІ ж:    1932-1933 жылдар ашаршылық кезеңі.
І ж:    1936-1938 жылдар репрессия кезеңі.
Көбейхан Нұрдаулет,Нұржан,Ерғазы,Аяюан,Диана.
ІІ ж:    1941-1945 жылдар Ұлы Отан соғысы.
І ж:    1986 жылы Желтоқсан оқиғасы.
 
IІІ оқушы:
Озбырлық күшпен  тұншығып,
Үміттің оты өшкен күн.
Жанына таппай бір шындық,
Ер Қайрат қыршын кеткен күн.
Қайғы езіп, елдің еңсесін
Жаншыды-ау жанын батпан күн!
КӨРІНІС:
Ортаға бір топ қыз жігіттер шығады.
—        
Қыздар, мен газет әкелдім
—        
Қане, не жаңалық бар екен?
—        
Пленум болыпты.
—        
Қонаевты орнынан алды дейді.
—        
Онысы несі?
—        
Орнына кім болыпты?
—        
Колбин деген. Ульяновтан келіпті.
—        
Қазақтан-ақ біреу қойсашы!
—        
Т.б.
Жастар шуласып кетеді
  Тоғжан,Айдана,Бегадилова Аружан
І- жүргізуші:
Осы шешімге қарсы халықтың әлеуметтік жағынан қорғалмаған топтардың бірі –
қазақ студенттері мен жастары алаңға шықты. Шеру бейбіт және саяси сипатта
болды. Сонымен 16 желтоқсанда таңғы сағат 7-де Брежнев атныдағы алаңда
жастардың алғашқы тобы пайда болды.
Бір топ жастар Менің Қазақстаным әнін айтып шығады.
—         Пленум шешіміне қарсымыз!
—         Әр ұлтқа өз басшысы!
—         Колбинді әкетсін!
—         Қонаевтің өзі сөйлесін!
Оларды екінші топ ОМОН, милиция киімін кигендер қуып таратады. 1-2
адамдарды ұстап алады.
—         Қайрат!
—         Қайрат! – деп топ шуласып
тарайды.
Қайратты тергеуге әкеледі.
 
 
Тергеуші:Нұржан
Жылап бүркіт болмас 10 мың қарға,
Үкіметті мұқатпақ болдыңдар ма?
Бәрібір іске аспады амалдарың
Қарағайдай қаңқылдаған қадамдарың
Жарық дүниеге сені енді
қайтармаймыз
Паспорттарыңды атуға даярлаймыз.
Қайрат:Арман
Күнадан таза басым бар,
Жиырма бірде жасым бар.
Бозтоғайдай жаным бар,
Алам десең алыңдар,
Қайрат деген атым бар.
Қазақ деген затым бар.
Еркек тоқты құрбандық.
Атам десең атыңдар!
 
Қазақ халқын дүниежүзіне танытқан
бұл оқиғаның  алғашқы құрбандары Қайрат Рұсқұлбеков, Ләззат Асанова,
Жансая Сабитова, Ербол Сыпатаевтарды ексе алып, олардың рухына тағзым ету
парызымыз. 1986 жылдың желтоқсаны бүкіл ұлтымыздың жанын жаралап, жүрегіне ызғар
шашып кетті, бостандық үшін өрімдей жап-жас қыз-жігіттер құрбан болды. Біз
әрдайым Қайраттың от жүрек үніне, қыздардың намысын қорғаған ерлігіне, күнәсіз
күйіп кеткен келбетіне бас иеміз.
 
Мұғалім: Желтоқсан құрбандарын еске алып, 1 минут үнсіздік жариялаймыз.
Ж.Ә.Тінәлиевтің «Желтоқсан желі» әні орындалады. хор
 
Аяжан: Қасиетті Қазақстаным,
мекенім,
Ақиқаттың  алтын бесігі
екенсің.
Елім, Жерім, Отаным, бақ- дәулетім,
Болашағым, өнер-білім, өркенім.
Қазақстаным, қастерлі мәңгі
дастаным,
Парақтап сені киеңді түсіне
бастадым.
Сен менің арым, бағым, барымсың,
Халқыма әр күн бейбіт болсын
аспаның!
Желтоқсаннан бастау алған теңдігі,
Қазағымның өркендеді елдігі.
Құрбан болған Тәуелсіздік жолында
Ағалардың ұмытылмас ерлігі.

Ән.Диана Қазақстаным алға»
 
ІІ жүргізуші:
Тәуелсіздігіміз жарияланғаннан кейінгі аз уақытта өңіміз түгіл түсімізге
енбеген оқиғалар болды, сол  жетістіктерді атап өтейікші.
 
І жүргізуші: Желтоқсан оқиғасы- біздің тәуелсіздігімізді дүние жүзіне мойындатқан күн.
1991 жылы 16-желтоқсан – ел тарихында кейінгі ұрпақ мәңгі қастерлеп, ардақтап өтетін күн.
1991 жылы 1- желтоқсанда еліміздің  түңғыш президенті Нұрсұлтан  Әбішұлы Назарбаев сайланды.
1991 жылы 29- тамызда  Семей полигоны  жабылды.
1992 жылы 2- наурызда  ҚР дүниежүзіндегі ең ықпалды және беделді Біріккен Ұлттар Ұйымына мүше болды.
 
ІІ жүргізуші:  
1992 жылы 8- мамырда кең байтақ елімізді қорғайтын қуатты Республика Ұланы құрылды.
1992 жылы  4- маусымда ҚР-ң  Жоғарғы Кеңесінің сессиясында еліміздің мемлекеттік рәміздері қабылданды.
1993 жылы 15- қарашада мемлекетіміздің ұлттық валютасы  теңге айналымға енді.
 
І жүргізуші:   
1993 жылы 2- қарашада ЮНЕСКО-ның шешімі бойынша Ұлы Абайдың 150 жылдығы тойланды.
 
ІІ жүргізуші:  
Армандаған күнге де жеттік.
Мемлекеттік егемендігімізді алып, тәуелсіз ел болдық.
 
І жүргізуші: Тәуелсіздіктің
көк байрағы желбіреп, әнұран қабылданды.  Қазақтың жаңа астанасы бой көтергеннен бері 18 жылдың
ішінде әлемді сүйсіндірді, сұлулығымен таң қалдырды. Бас аяғы 25 жылдың ішінде Қазақстанды бүкіл әлем таныды.
Би.Флешмоб. Алға Қазақстан
 
М.АйданаҚазақстан! Туды алтын дәуірің,
Алғандайсың жұлдыздардың жарығын.
Алтын заңың құтты болсын, қымбаттым,
Туған күнің құтты болсын, алыбым!
 
Нұрдаулет
Армандарды жақындатып тым алыс,
Біздің жаққа жеткен екен жылы ағыс.
Егемендік- ел бақыты, ертеңі,
О, халайық, құтты болсын қуаныш!
Айсара :
Қазақстан қасиетті ұғым бұл,
Ей, келешек, жан тәніңмен ұғын, біл.
Он бір әріп не мағына береді,
Ал толғайық жеткенінше қызыл тіл.
 
Т – білдіреді теңдікті,
Ә — әдептілік, әлдікті.
У – уайымсыз уақытты,
Е – егемендік елдікті
Л – дейді лағып лепірме
С – сенімділік секілді ең,
І – ілтипат пен ізет қой,
З – зиялылық тілек қой.
Д – шақырады достыққа,
К – дейді күн боп көктегі
Көз алартпа, көршілерге қол сұқпа.
 
Бағдаулет
Далада думан, қалада думан жыр
бүгін
Ғасыр бойы аңсайда күткен бұл
күнім.
Жасай бер, жаса
Қалдырған бақыт бұлбұлым.
Хормен;Мекенім Қазақстан
 
Мақсат:
Жиырма жыл, жиырма жыл азаттық,
Өзімізді құрсаудан да босаттық.
Ақтадық біз ата-баба үмітін,
Қолда қазір көк ту менен бостандық.
Би.Қазақ биі.
 
 Тә.Аружан.
25 жыл, тәуелсізбін, дербеспін
Күмәндана қоймас бүгін енді ешкім
Бодандығым ғасырларға жалғасқан
Қазір, міне артта қалды келмес күн
 Тауелсіздік тұғыры ғой бұл елдің,
25 жасың құтты болсын нұр елім.
25 жылда шықтың талай белеске,
Қазақстан жасай берші гүл елім
Алтынай.
 
Айсара:
 
 
Досжан:Туған жерді сүю – парыз
Сүю үшін білу – парыз
Қасиетін ұғу – парыз
Күзетіне тұру – парыз
 
ІІ-жүргізуші
Құтты болсын тәуелсіздік мерекесі,
Мықты болсын елімнің керегесі.
Татту-тәтті боп халқымыз әрқашан,
Кетпесін туған жердің берекесі.
 
Ән: «Астана!» Тоғжан  
І-жүргізуші.
Құрметті ұстаздар, қонақтар, оқушылар! Бүгінгі «Мен – қазақпын, мың өліп,
мың тірілген…»   атты тәрбие сағатымызды аяқтаймыз.