Мақсаты: «Әдеп», «әдептілік» туралы түсініктерін кеңейту. Балаларға жақсылық ұғымы туралы түсіндіре отырып, дұрыс әрекет құндылығының мәнін ашу.

Міндеттері:

Білімділік: Балаларға жақсылық ұғымының мәнін аша отырып,мейірімділік қасиеті туралы түсінік беру;

Дамытушылық:Балалардың мейірімділік, қайырымдылық қасиеттерін дамыту;

Тәрбиелік: Балаларды әдептілікке, сыпайылыққа тәрбиелеу.

Ресурстар: (құралдар, мәлiметтер)

Дәптер, хрестоматия, жеміс ағашы, себеттер, жүрекшелер, күн, көк аспан, түрлі-түсті қарындаштар.

Сабақ барысы:

1. Ұйымдастыру кезеңi.

а) Балалардың сабаққа қатысуларын және оқу құралдарын тексеру.

ә) 5 Т-ны еске түсіру (тәртіп, талап, тыныштық, тазалық, татулық)

«Сиқырлы табақша» тренингі арқылы балаларды топтастыру. (табақшада жүрекшелер, күн шуағы, көк аспан болады. Сол себепті балалар үш топқа бөлінеді.)

5 Т-ны естеріне түсіріп жаттап алады.

2. Үй тапсырмасы тексеру

25-26 бет«Өзін-өзі тану» оқулығы. МАД

Ата-ананың көмегімен бірге орындап келу.

1. Кімдерді жақсы көресіңдер?
2. Күн шапағына нелерді жақсы көретіндеріңді жаздыңдар?

3. Әңгімелеу. «Әдеп», «әдептілік» туралы түсініктерін кеңейту үшін бірнеше сұрақтар қою.

- Қандай жылы, әдепті сөздерді білесіңдер?
- Әдепті бала қандай болу керек?
- Әдептілік дегенді қалай түсінесіңдер?

Әдепті сөздер - сәлеметсіз бе?, сау болыңыз, рақмет, кешіріңіз т.б.

Дәйексөз.

«Әдепті бала - жақсы бала» Мақал

   1. Қыздарға айтқызу
   2. Ұлдарға айтқызу
   3. Бірге айтқызу

Үй тапсырмасын әңгімелейді.

Әдептілік туралы түсінеді.

Дәйексөзді қайталай отырып жаттап алады.

4. Әңгiмелеу. «Әдепті бала» ойдан шыққан оқып беріп, талқылау. Әдептілік – адам бойындағы ең асыл қасиет. Айдос пен Арман дос еді. Айдос әдепті бала, тілалғыш, ұқыпты, шыншыл, қарапайым, еңбекқор, адал, Арман болса әрдайым өз қулығын асырып, пайдасын ойлайды. Айдос кездескен адамдардың бәрімен амандасады, қоштасады. Әрдайым таза жүреді. Автобуста үлкендерге, жасы кішілерге орын береді. Арман үнемі барлығын керсінше жасайды. Бірақ Айдос пен Арман жан достар. –Арман мен Айдос неліктен дос? -Сендерге кімнің іс –әрекеті ұнайды? -Ол неліктен? -Арманның орнында сен не істер едің?

әңгімені тыңдап, сұрақтарға жауап беру арқылы толықтыру.

5. Шығармашылық іс-әрекет, топтық жұмыс

Берілген суреттерді атап, суреттердегі балалардың қасиеттерін айту.

Суреттерге әңгіме құрайды.

6. Топпен ән айту.

«Мен әдепті баламын» әнін айту.
Әні: У. Бекетов
Сөзі: И. Нүсіпбаев

1. Мені үлкендер әдепті деп мақтайды.
Мінезімнен теріс қылық таппайды.
Ал егер сен жалқау болсаң тілазар,
Ондай әдет жақсылыққа жатпайды.

Қайырмасы:
Айтқан тілді аламын,
Айтқан жерге барамын,
Мен әдепті, мен әдепті баламын.

2. Тілін алып кішініңде кәрінің,
Айтқанынан шығып жүрмін бәрінің.
Ата-ананың айтқанынан шығуды
Әдептілік белгісі деп таныдым.

Әуенмен бірге ән шырқайды.

7. Үй тапсырмасы.

27 бет «Өзін-өзі тану» оқулығы. МАД

Кітаптағы тапсырмаларды үлкендердің көмегімен бірге орындап келу.

Берілген тапсырманы түсініп алады.

8. Сабақтың соңғы тыныштық сәтi.

Баяу әуен қойып, балалар бүгінгі сабақтан алған жақсы қасиеттеріңді естеріңе түсіріп, оны жүректеріңе сақтап алайық. Ендеше мына жеміс ағашындағы жемістерді қалағанымызша себетімізге саламыз. Бұл сендердің бүгінгі тақырып бойынша жиған білімдерің. Балалар әрқашан тату тәтті, адал, әдепті бала болайық. Әуенді сандықшадан тәтті тарату.

Жемістерді себеттерге теріп салады.