Тұңғыш Президент күні

Маңғыстау облысы, Жаңаөзен қаласы
№25 «Толағай» балабақшасы МКҚК
тәрбиешісі: Гожыкова Клара Исенбаевна

Мақсатты: Жас ұрпаққа президентіміздің сан қырлы талант иесі, құдіретті тұлға екенің таныту. Елін сүйген, елі сүйген Елбасынан үлгі алуға тәрбиелеу.

Көрнекіліктер: Елбасы суретті

Тәрбиеші: Балалар, қараңдаршы, біздің сабағымызға қонақтар келіп отыр. Кәне балалар, қонақтармен амандасайық.

Балалар: Саламатсыздар ма!

Тәрбиеші: Жарайсыңдар балалар! Балалар бүгінгі біз сабағымызда Еліміздің тұңғыш президенті жайында айтамыз. Тақтаға қараңдаршы мына суретте кім бейнеленген?

Балалар: Нұрсұлтан Назарбаев

Тәрбиеші: Дұрыс Нұрсұлтан Әбішұлы Назарбаев. Ал, балалар ол кім екенін білесіңдер ме?

Балалар: Ол біздің президентіміз

Тәрбиеші: Балалар біздің елбасымызға арнаған тақпақтарыңызды айтып беріңіші

Жасұлан:

Ел басымыз жолдайды
Халық оны қолдайды
Ешқашанда орынсыз
Шешімдері болмайды

Нұрасыл:

Тәуелсіздік елге сыйлады
Бейбітшілікті қолдайды
Орындалып арманы
Халқымызда ажарлы
Осының бәрі әрине Елбасының арқасы

Нұрай:

Ел басы елді қорғайды
Халық қамын ойлайды
Осындай жақсы адамның
Жақсылығы тарайды.

Айжан:

Бағдарлап елдің ертеңін
Тыныштық тауып жатпаған
Болашақ үшін тер төгіп
Үмітін елдің ақтаған

Айғаным:

Ел басы болды да қазағымның
Еңкейтпеді жалауын әр елімнің.

Тәрбиеші: Н.Ә.Назарбаев 1940 жылы 6-шілдеде Алматы облысы, Қаскелең  ауданы, Шамалған ауылында дүниеге келген. Атасының есімі- Назарбай, әкесінің есімі-Әбіш, Нұрсұлтан есімді әжесі Мырзабала беріпті. Алланың 99 аты бар екен. Соның бірі-Нұр тағы бірі-Сұлтан. Анасының есімі-Әлжан екен. Нұрсұлтан 5 жасқа толғанда Жамбыл атаның ақ батасын алған екен. Ол Қаскелең қаласындағы Абай орта мектебіні бітірген. Мектепте озат, үлгілі оқушы болыпты. Еңбек жолын Теміртау  қаласында темір балқытушы болып бастаған. 1976 жылы Қарағанды металлургия комбинаты жанындағы жоғары техникалық оқу орнын,1976 жылы партия мектебін бітірген 1991 жылы 1 желтоқсанда біздің Отанымыздың Тұңғыш Президенті болып сайланды. Қазақсатан Президенті Н.Ә.Назарбаев 2010 жылы 15 маусымнан бастап заңды түрде  «Елбасы» мәртебесіне ие болды. Ол осы жетістігіне өзінің табандылығы мен еңбекқорлығының арқасында жетті.

Тәрбиеші: Балалар сендердің мамаларың, папаларың жұмыс істегендей Нұрсұлтан Назарбаевтың жұмысы біздің елімізді басқарады. Біздің президентің жұмыс орны қайда кім біледі балалар айтыңдаршы?

Балалар: Астанада

Тәрбиеші: Дұрыс! Астанада Ақордада балалар Астанада тағыда не бар?

Балалар: Астанада Бәйтерек бар!

Тәрбиеші: Дұрыс Бәйтерек бар, ол біздің елдің символы. Ал, балалар сендер біздің елдің рәміздерін білесіңдер ме?

Балалар: олар: ту, әнұран және елтаңба.

Тәрбиеші: Ал бұл суреттер нені білдіреді, білесіңдер ме? Балалар біздің туымыздың түсі қандай?

Балалар: Көк

Тәрбиеші: Балалардың әнін тыңдайық

«Көк тудың желбірегені»

Қ-сы
Көк тудың желбірегені
Жаныма қуат береді
Таласқа түссе жан мен ту
Жан емес, маған керегі
Көктудың желбірегені

1. Көк тудың желбірегені
Елдіктің асқақ өлеңі
Жан-жаққа тартпай қазағым
Бір сөзге жинал дегені

Қ-сы
Көк тудың желбірегені
Жаныма қуат береді
Таласқа түссе жан мен ту
Жан емес, маған керегі
Көктудың желбірегені

Тәрбиеші: Ол аспанымыз ашық болсын дегенді білдіреді. Күннің бейнесін қараңдаршы-күнің сәулелері біздің еліміздегі ұлттар саны. Біздің елімізде жүз отыз ұлт бар екен. Осы күн-100 ді білдіреді ал сәулелер отыз екен.

Шаршадыңдар ма балалар!

Балалар: Иә шаршадық

Тәрбиеші: Кәне келіңдер

Сергіту сәті:

Біз бақытты баламыз
Шырқап әнге саламыз
Туыспыз біз бәріміз
Бір отанды сүйеміз.

«Алға Қазақстан» әніне орындаймыз.

Қорытынды: балалар біз бүгін сабақта кім туралы айттық?

Балалар: Н.Ә.Назарбаев туралы

Тәрбиеші:Ол кім?

Балалар: Ол біздің елдің тұңғыш президенті

Тәрбиеші: Жарайсыңдар  балалар!

Осымен сабағымыз аяқталды. Орнымыздан тұрып,келген қонақтарды шығарып саламыз.

---