Балабақша

Ақтөбе қаласы
№31 «Күншуақ» мектепке дейінгі ұйымының
логопеді: Тажиданова Алмажай Тажидановна

Мақсаты: Балабақша туралы түсінік беріп таныстыру. Оның тыныс тіршілігі  туралы  жалпы мағлұмат беру. Нұсқау бойынша түсініктерін қалыптастыру. Тыныс алуын, сөйлеу тілі қимылын, есту-ажырату қабілеттерін, зейін қою, ойлау жүйелерін дамыту. Ойын бөлмесінің ойыншықтарын таза  ұстауға тәрбиелеу.

Керекті құралдар: заттық суреттер, сюжетті суреттер.

- Балалармен сәлемдесу.

- Балалар жиналып шеңбер құрады.

Шаттық шеңбері.

Тұрамыз орыннан        Шаттанып ақ таңнан

Құрамыз шеңберді       Айтамыз тілекті.

-Тыныстау жаттығуы. «Ыстық шай»

- Артикуляциялық жаттығулар «Сағат», «Тәтті тосап», т.б.

- Дидактикалық ойын: "Ол кім?".

Логопед балаларға сұрақ қояды: Әдемі және дұрыс сөйлеуге үйрететін ол кім? Ал, сурет салдырып, жапсыруды, санауды үйрететін, серуенге шығаратын кім?, Тамақ беріп, топты таза ұстайтын ше?

Балалар: Әдемі сөйлеуге үйрететін логопед. Сурет салуды, санауды үйрететін тәрбиеші. Тамақ беріп, топты таза ұстайтын күтуші.

- Сергіту сәті:

Жәй оң қолды оң жаққа,

Жәй сол қолды сол жаққа.

Екі қолды белге ұстап,

Алға қарай бір аттап.

Артқа қарай бір аттап,

Қос аяқпен топ-топ,

Алақанды соқ-соқ.

(Балалар сергіту сәті  сөздерін қимылдарға сай, буындап айтып, орындайды).

- «Кім көркем сөйлейді» - ойын-жаттығу. Логопед сюжетті суреттер бойынша әңгімелеуді ұсынады.

- Балалар сурет бойынша әңгімелейді.

- Дидактикалық ойын «Қайда?».

- Логопедтің заты қайда? Тәрбиешінің, күтушінің, т.б.

- Тәрбиешінің қаламы міне, логопедтің кітабы міне. Күтушінің ыдысы міне.

Қорытындылау: марапаттау,  кім жақсы жұмыс істегенін сұрау.

- Балалар бір-біріне баға береді

Күтілетін нәтиже

Білу: Балабақша мамандарының аттарын атап айтуды. Тапсырманы нұсқау бойынша орындауды.

Игеру: Қимыл мен сөзді байланыстыруды.

Меңгеру:З ат есім мен етістікті дұрыс байланыстыра сөйлеуді.