Ақтөбе қаласы, Пригород орта мектебі
"Айгөлек" шағын орталық тәрбиешісі
Мамбеткулова Кунжамал Утарбаевна

Ұйымдастырылған оқу қызметінің технологиялық картасы
Өткізген: Мамбеткулова Кунжамал Утарбаевна
Білім беру саласы: «Таным»
Бөлімі: «Қарапайым математикалық ұғымдарды қалыптастыру»
Тақырыбы: «Геометриялық пішіндер елінде»
Мақсаты: Балаларға геометриялық пішіндер туралы түсініктерін тиянақтау, пішіндер жайлы балалардың білім деңгейін анықтау, логикалық ойлау қабілетерін, зейіндерін дамыту.
Құрал-жабдық: геометриялық пішіндер, карточкалар

Әрекет кезеңдері. Тәрбиешінің оқу қызметі. Балалардың қызметі
Мотивациялық  қозғаушы
/кіріспе бөлім/ Балаларға Білмеспектің қонаққа келгенін айтады. Оның қолында дорбасы бар, ол оны жолдан тауып алыпты.  Дорбаның  ішіндегі пішіндерді білмейді екен!? Сендерден көмек сұрап келіпті қандай пішіндер екенін?
Көмектесемізбе?  Балалар қонақ келгенін естіп қызығушылық танытады.
Қолындағы дорбасына көңіл аударады.
- Ия деп жауап береді.

Іздену
ұйымдастырушылық
/негізгі бөлім/ - Дорбаның  ішінен геометриялық пішіндерді алып көрсетеді де осы пішіндер туралы жұмбақ жасырады.
1. Шуақ шашқан күнге ұқсаймын көбірек,
Менің атым-  (дөңгелек)
2. Барлық шатыр ұқсайды тек өзіме,
Бірден білер құлақ асқан сөзіме. (үшбұрыш)
3. Теледидар таныс екен баршаға,
Ал, пішіні ұқсайды ғой (шаршыға).
Дорбаның ішінен шыққан әр түрлі геометриялық пішіндердің түстері де, көлемдері әр түрлі екенін айтады.
- Балалар осы пішіндерді ұстап көргенде қандай айырмашылықты байқаймыз? Салыстырайық
Білмеспек міне балалар дрбаның ішіндегі пішіндерді анықтады. Енді сен сол пішіндерді сен тізбектеп көр.
- Балалар Білмеспек пішіндерді тізбектеп қойып отырып, шатасып кеткенін айтады. Балалар Білмеспекке көмектесеңдер.
- Ал енді балалар ойын ойнап көрейік!
Дидактикалық ойын «Сиқырлы пішіндер»
Білмеспектің өзі ұсынған пішіндерден үй құрастырып беруін сұрайды. Пішіндердегі белгіленген цифр бойынша төменнен жоғары орналастыруын айтады.
Дидактикалық ойын: «Қандай пішінге ұқсайды?»
Карточкаларды таратады суретке қарап қай сурет пішінге ұқсайтынын табуды сұрайды, пішінді және суретті қосуды ұсынады.
Сұрақтар қояды.
- Қай сурет дөңгелекке ұқсайды?
- Сағат қандай пішінге ұқсайды?
- Үйдің төбесін неге үшбұрышпен қостыңдар?
Санамақ айтуды ұсынады:
Оң қолымда бес саусақ
Сол қолымды бес саусақ
Қосссақ егер екеуін
Болады екен он саусақ.
Дәптермен жұмыс
Балалар тәрбиеші көрсеткен пішіндерді атайды..
Жұмбақтардың шешуге ықылас білдіреді және оларды көрсетеді.

Әрбір бала алдына геометриялық пішіндер болады. Оларды ұстап көріп, атайды, салыстырады айырмашылықтарын айтайды.

Балалар Білмеспекке назар аударады.
Балалар Білмеспекке үшбұрыш, пішіні бірдей, түсі қызыл, біреуі қалың екенін айтады.
Үйлерді пішіндердегі белгіленген сандар бойынша төменнен жоғары қарай орналасырады.
Балалар тапсырманы орындайды.
Сұрақтарға толық жауап береді.
Саусақтарын біріктіріп санамақты қызыға орындайды.

Рефлексиялық- түзетушілік
/қорытынды/ Сұрақтар қою арқылы қорытындылайды:
- Бүгін бізге қонаққа кім келді?
Ол бізге қандай өтінішпен келіпті?
- Дорбада не бар екен?
- Олардан біз не құрастырдық?
- Балалар, сендерге Білмеспекпен ойнаған ойындар, тапсырмалар ұнады ма?
Білмеспек балаларға көмектескендеріне рахметін айтып, балаларды мақтап, мадақтап қоштасады.

- Білмеспек келді.
- Көмек сұрап келді
геометриялық пішіндер  

- үйлер құрастырдық
Балалардың жауаптары.
Балалар Білмеспекпен қоштасады.

Күтілетін нәтиже:
Біледі:  -Әр  түрлі  пішіндерден заттар құрастыруды, заттардың ішінен түстерді табуды
Игереді: -.Геометриялық пішіндер, түстер туралы түсінік
Меңгереді: Геометриялық пішіндерді ажырата алуды, салыстыруды