Алматы қаласы, №76ЖББМ

Пәні: қазақ тілі

8 сынып

Пән мұғалімі: Сатаева Ә.Д

Сабақтың тақырыбы:

Асханадағы ас мәзірі                                                    

Сабақтың мақсаты:

• Білімділік: Сабақта оқушылардың қызығушылық қабілетін арттыруға жағдай туғызу, ойлау дағдыларын жетілдіру, белсенділіктерін арттыру, өздігінен білім алу процесінде бірлесе әрекет етуге жағдай жасау.  Лицей асханасы  жайлы ұғымдарын кеңейту, сөздік қорларын байыту, сөйлеу мәдениетіне, сөйлемдер құрастыруда, диалог арқылы өзара сөйлесуде сөздердің орын тәртібін дұрыс сақтауға үйрету, жағдаят туғызу арқылы дұрыс сөйлеуге, өз ойын жинақты түрде дұрыс жеткізе білуге дағдыландыру. Өткен сабақтар бойынша игерген білімдерін еске түсіру, жинақтау.

• Дамытушылық: Оқушылардың логикалық ойлау қабілеттерін дамыту, сыни ойлауға, топтық жұмыста өз ойын еркін жеткізуге, жауаптарын тиянақты айтуға үйрету.

• Тәрбиелік: Асханада өзін дұрыс ұстай білуге, мәдениетілікке, сыпайылыққа тәрбиелеу.

Сабақтың көрнекілігі

Бағалау парағы, түрлі-түсті қағаздар, стикерлер, бояулар.

Сабақтың түрі

Аралас сабақ

Сабақтың әдіс-тәсілі

Оқудағы жаңа тәсілдер, сыни тұрғыдан ойлауға үйрету, топпен жұмыс, әңгімелесу.

Негізгі түсініктер:

Өзара сөйлесу, сұрақтарды тақырыпқа сай қойып, дұрыс жауап беру, флипчартта дұрыс ойын жеткізу.

Оқыту нәтижелері:

• Оқушылардың танымдық қабілеті артады.

• Өз пікірін жүйелі жеткізе алады.

• Өзін өзі тани білуге және жұптық, топтық жұмыста ынтымақтастықта болады.

Сабақта туындаған негізгі идеялар

• Топта дұрыс шешім қабылдауға үйренеді;

• Топта бір-бірін тыңдауға дағдыланады.

Сабақтың барысы:

• Ұйымдастыру кезеңі: Сәлемдесу, түгендеу.

• Сыныптағы психологиялық ахуалды реттеу.

• Көңіл-күй парағын белгілеу.

• Сыныпты топқа бөлу

Жұмыс түрі

Мұғалім әрекеті

Оқушының әрекеті

Қызығушылықты ояту

1-әрекет. 

Сыныпта  психологиялық ахуал тудыру үшін «Менің көңіл күйім» жаттығуын орындатамын.

Оқушылар өздерінің көңіл күйлерін қағаз бетіне суреттеп салып, айтады. Мысалы, менің көңіл күйім мына гүлдей деп гүлдің суретін салады.

Топқа бөлу

2-әрекет.

3 түсті стикерлерді таңдату арқылы топқа бөліп, көшбасшы сайлап, бағалау парақтарын таратамын.

Оқушылар өздеріне ұнаған стикерлерді таңдап, топқа бөлініп отырады. 

Үй тапсырмасын тексеру

3-әрекет. Сөйлесім.

• Балалар, өткен сабақта біз не туралы өттік? Үйге қандай тапсырма берілді? – деп оқушылардан үй жұмысын сұрап, жауаптарын тыңдап, пысықтап, бүгінгі сабағымыздың тақырыбымен, мақсатымен таныстыра отырып, жаңа сабақты бастаймын.

Оқушылар жауап береді, сосын дәптерлеріне бүгінгі күнді жазып алады.

Ой қозғау (түрткі тастау)

4-әрекет. Ой қозғау.

• Кім бүгін немесе кеше асханаға барды?

• Ас мәзірінде қандай тағамдар бар екен?

• Ас мәзірінен басқа қандай тағамдар сатылады?

• Сен қандай тағамға тапсырыс бердің?

• Тамақ қандай екен? Саған ұнады ма?

Оқушылар өздерінің ойларын ортаға салып сұхбаттасады, жаңа сабақтың тақырыбын табады.

Топпен жұмыс

5-әрекет.

Сосын оқушыларға флипчарт бетінде жұмыс істеуге тапсырма беремін.

• Сендер асханада аптаның әр күніне қандай ас мәзірін жасар едіңдер?

Содан соң әр топ өздеріне берілген жұмысты флипчарт бетінде бірлесе орындап, қорғайды.

Мағынаны тану.

6-әрекет. Мәтінмен жұмыс.

1.  Мәтінді оқу.

2. Мәтін жайында сұрақтар құрастырып, бір-біріне қою.

Оқушылар мәтінді түсініп оқиды. Топ арасында сұрақтар құрастырып жауап береді.

7-әрекет. Сөйлесім.

• Оқулықта берілген 4-тапсырмадағы диалогты оқимыз, содан соң әр топ осыған ұқсас өз диалогтарыңды құрастырыңдар.

Оқушылар диалогты оқып, содан соң өзара диалогтарын құрастырып айтып береді.

8-әрекет. Монолог.

• Сенің қарның ашқанда және шөлдегенде не ішіп, не жейсің?

Оқушылар монолог ретінде өздерінің әрекеті туралы айтып береді.

Жазылым

9-әрекет.

1-топ. Мәтіннен сабақтас құрмалас сөйлемді тауып, синтаксистік талдау жасаңдар.

2-топ. Мәтіннен 2 жай сөйлемді салалас құрмалас сқйлемге айналдырып, синтаксистік талдау жасаңдар.

3-топ. 61-бет, 3-тапсырма. Сөйлемдерді мәтін бойынша мағынасына қарай толықтырып жазыңдар.

Оқушылар жазба жұмысын дәптерлеріне орындайды.

Қорытынды бөлім

10-әрекет.

Оқушылар берілген конверттегі сұрақтарға жауаптарын жазады. 

Оқушыларды бағалау

11-әрекет. Өзін-өзі бағалау парақшасын таратып беремін.

Оқушылар өз білімдерін өздері бағалайды.

Үйге тапсырма

12-әрекет.

1-топ. 61-бет, 5-тапсырма (жазу).

2-топ. Мектеп асханасы туралы әңгіме құру.

Топ оқушылары өздеріне берілген үй тапсырмасын күнделіктеріне жазып алады.

Рефлек

сия

13-әрекет.

• Сабақтың мақсатына жеттік пе?

• Сабақ сендерге ұнады ма?

• Ұнамаған жағы болды ма?

• Сендерге не қиын және оңай болды?

Өздерінің ойларын айтады.